ಸವಣೂರು | ಎಸ್ಎಸ್ಎಲ್‌ಸಿ ಫಲಿತಾಂಶ: ಸಾಧಕರಿಗೆ ಸನ್ಮಾನ

ಸವಣೂರು: ಎಸ್ಎಸ್ಎಲ್‌ಸಿ ಪರೀಕ್ಷೆಯಲ್ಲಿ ಸಾಧನೆ ತೋರಿದ ಪ್ರತಿಭಾಶಾಲಿ ಇಬ್ಬರು ವಿದ್ಯಾರ್ಥಿಗಳನ್ನು ತಾಲ್ಲೂಕು ಪಂಚ ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಸಮಿತಿ, ಬ್ಲಾಕ್ ಕಾಂಗ್ರೆಸ್ ಹಾಗೂ ಕಂದಾಯ ಇಲಾಖೆಯ ಸಿಬ್ಬಂದಿ ಸಹಯೋಗದಲ್ಲಿ ಸನ್ಮಾನಿಸಲಾಯಿತು. 

ಪಟ್ಟಣದ ಕಂದಾಯ ಇಲಾಖೆಯ ಪಂಚ ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಸಮಿತಿ ಅಧ್ಯಕ್ಷರ ಕಾರ್ಯಾಲಯದಲ್ಲಿ ಕಾರ್ಯಕ್ರಮ ನಡೆಯಿತು.

ತಾಲ್ಲೂಕಿನ ಬೇವಿನಹಳ್ಳಿ ಗ್ರಾಮದ ನಿವಾಸಿ, ಮೊರಾರ್ಜಿ ದೇಸಾಯಿ ವಸತಿ ಶಾಲೆಯ ಬೇವಿನಹಳ್ಳಿಯ ವಿದ್ಯಾರ್ಥಿ ಪುನೀತ್ ಕುಮಾರ ರವಿ ಕರಿಗಾರ ಶೇ 95 ಹಾಗೂ ಸವಣೂರು ಪಟ್ಟಣದ ನಿವಾಸಿ, ರಾಣೆಬೆನ್ನೂರು ತಾಲ್ಲೂಕಿನ ಎಂ.ಎಂ.ಡಿ.ಆರ್.ಎಸ್ ಸುಣ್ಕಲ್ ಬಿದರಿ ವಸತಿ ಶಾಲೆಯ ವಿದ್ಯಾರ್ಥಿ ಅಮರನಾಥ ಗಿರೀಶ ಮುದಗಲ್ ಶೇ 94ರಷ್ಟು ಅಂಕ ಪಡೆದು ಸಾಧನೆ ತೋರಿದ್ದು, ಈ ವಿದ್ಯಾರ್ಥಿಗಳನ್ನು ಸನ್ಮಾನಿಸಿ ಸಹಿ ತಿನ್ನಿಸುವ ಮೂಲಕ ಶುಭ ಹಾರೈಸಲಾಯಿತು.

ಗ್ರೇಡ್ 2 ತಹಶೀಲ್ದಾರ್‌ ಗಣೇಶ ಸವಣೂರ, ಗ್ಯಾರಂಟಿ ತಾಲ್ಲೂಕು ಪಂಚ ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಸಮಿತಿ ಅಧ್ಯಕ್ಷ ಸುಭಾಸ ಮಜ್ಜಗಿ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಎಂ.ಜೆ ಮುಲ್ಲಾ ಮಾತನಾಡಿದರು. 

ಕಂದಾಯ ಇಲಾಖೆಯ ಶಿರಸ್ತೇದಾರರಾದ ಎಸ್.ಎಸ್.ಪಾಟೀಲ, ಎಸ್.ಎಸ್ ನಾಯ್ಕರ, ಆಹಾರ ನಿರೀಕ್ಷಕ ಡಿ.ಎಂ ಪಾಟೀಲ, ಪ್ರದಸ ವೈ.ಎಲ್ ಹಳಕಲ್, ವೀರಶೈವ ಲಿಂಗಾಯತ ಪಂಚಮಸಾಲಿ ಸಮಾಜದ ತಾಲೂಕು ಅಧ್ಯಕ್ಷ ಬಿ.ಎಂ ಪಾಟೀಲ, ಕಾರಡಗಿ ಅಂಜುಮನ್ ಸಂಸ್ಥೆ ಅಧ್ಯಕ್ಷ ರಬ್ಬಾನಿ ಸವಣೂರ,ಗ್ರಾ.ಪಂ ಸದಸ್ಯ ಮುಜಾಹಿದ್ ದಿವಾನಸಾಬನವರ, ಪಾಲಕರಾದ ರವಿ ಕರಿಗಾರ, ಗಿರೀಶ ಮುದಗಲ್, ನೆಮ್ಮದಿ ಯೋಗೇಶ ಮಲ್ಲನಗೌಡ್ರ ಇದ್ದರು.