ರಟ್ಟೀಹಳ್ಳಿ | ನಿರಂತರ ಮಳೆ: 8 ಮನೆಗಳಿಗೆ ಹಾನಿ

ರಟ್ಟೀಹಳ್ಳಿ: ತಾಲ್ಲೂಕಿನಲ್ಲಿ ನಿರಂತರವಾಗಿ ಮಳೆ ಸುರಿಯುತ್ತಿದ್ದು, ಗುರುವಾರ ತಾಲ್ಲೂಕಿನಲ್ಲಿ ಒಟ್ಟು ಎಂಟು ಮನೆಗಳು ಬಿದ್ದಿವೆ.

ತಾಲ್ಲೂಕಿನಲ್ಲಿ ಮಕರಿ ಗ್ರಾಮದಲ್ಲಿ ಎರಡು, ಹುಲ್ಲತ್ತಿ ಗ್ರಾಮದಲ್ಲಿ ಎರಡು, ಕುಂಚೂರು ಗ್ರಾಮದಲ್ಲಿ ಎರಡು ಮನೆಗಳು, ಹಾಗೂ ಮಾಸೂರು ಮತ್ತು ಕುಡುಪಲಿ ಗ್ರಾಮದಲ್ಲಿ ತಲಾ ಒಂದು ಮನೆ ಮಳೆಯಿಂದಾಗಿ ಬಿದ್ದಿವೆ. ಸ್ಥಳಕ್ಕೆ ಗ್ರಾಮ ಆಡಳಿತಾಧಿಕಾರಿ, ಪಿಡಿಒ ಭೇಟಿ ನೀಡಿ ಪರಿಶೀಲನೆ ನಡೆಸಿ, ಮೇಲಾಧಿಕಾರಿಗಳಿಗೆ ವರದಿ ಸಲ್ಲಿಸಿದ್ದಾರೆ.