ರಾಣೆಬೆನ್ನೂರು: ಗಣರಾಜ್ಯೋತ್ಸವ ಆಚರಣೆ

ರಾಣೆಬೆನ್ನೂರು: ತಾಲ್ಲೂಕಿನ ಚಳಗೇರಿ ಗ್ರಾಮ ಪಂಚಾಯಿತಿ ಆವರಣದಲ್ಲಿ ಸೋಮವಾರ ಗಣರಾಜ್ಯೋತ್ಸವದ ಧ್ವಜಾರೋಹಣ ಕಾರ್ಯಕ್ರಮ ಆಚರಿಸಲಾಯಿತು.

ಪಿಡಿಒ ಶಹನಾಬಿ ಕಲಕೋಟಿ, ದೈಹಿಕ ಶಿಕ್ಷಣ ಶಿಕ್ಷಕರಾದ ಕಾಂತೇಶ ಮಾದಾಪುರ ಮತ್ತು ಚಂದ್ರು ಗ್ಯಾನಗೌಡರ ಅವರು ಧ್ವಜಾರೋಹಣ ಕಾರ್ಯಕ್ರಮ ನಡೆಸಿಕೊಟ್ಟರು. ಗ್ರಾಮ ಪಂಚಾಯಿತಿ ಅಧ್ಯಕ್ಷ, ಉಪಾಧ್ಯಕ್ಷರು, ಸದಸ್ಯರು ಹಾಗೂ ಗ್ರಾಮದ ಮುಖಂಡರಾದ ಸಣ್ಣ ತಮ್ಮಪ್ಪ ಬಾರ್ಕಿ, ಮಲ್ಲಿಕಾರ್ಜುನ ಕೆಂಚರಡ್ಡಿ, ಬುಡನ್ ಸಾಬ್ ದೊಡ್ಮನಿ, ವೆಂಕಪ್ಪ ಮಾದಾಪುರ, ಸಿದ್ದಲಿಂಗಪ್ಪ ಮರಿಲಿಂಗಣ್ಣನವರ, ಮೌಲಸಾಬ್ ಪ್ಲಾಟ, ದಿಳ್ಳೆಪ್ಪ ಕಟಗಿ, ವಿಶ್ವನಾಥ್ ಕರೆಗೌಡ, ಭರಮಗೌಡ ಕರೂರ, ರೇವಣ್ಣನವರ ಭಾಗವಹಿಸಿದ್ದರು.

ರಾಷ್ಟ್ರಮಟ್ಟದ ಹ್ಯಾಂಡ್‌ಬಾಲ್‌ ಪಂದ್ಯದಲ್ಲಿ ಪ್ರಥಮ ಸ್ಥಾನ ಗಳಿಸಿದ ಗ್ರಾಮದ ಕೆನರಾ ಈ ವಿಶನ್‌ ಶಿಕ್ಷಣ ಸಂಸ್ಥೆಯ ಕ್ರೀಡಾಪಟುಗಳನ್ನು ಸನ್ಮಾನಿಸಲಾಯಿತು.