ಮಾನವೀಯತೆ ಮೆರೆದ ಜಿ.ಪಂ ಮಾಜಿ ಸದಸ್ಯ

ಅಕ್ಕಿಆಲೂರ: ತಮ್ಮ ತೋಟದಲ್ಲಿ ಸಿಕ್ಕ ₹1.80 ಲಕ್ಷ ಮೌಲ್ಯ ಬೆಲೆಬಾಳುವ ಡ್ರೋಣ್ ಕ್ಯಾಮೆರಾವನ್ನು ಅದರ ಮಾಲೀಕರಿಗೆ ಇಲ್ಲಿನ ಜಿಲ್ಲಾ ಪಂಚಾಯ್ತಿ ಮಾಜಿ ಸದಸ್ಯ ಕೃಷ್ಣ ಈಳಿಗೇರ ಒಪ್ಪಿಸಿದ್ದಾರೆ.

ಇಲ್ಲಿ ನಡೆದ ಮದುವೆಯೊಂದರಲ್ಲಿ ಚಿತ್ರೀಕರಣಕ್ಕೆ ಮೇಲೆ ಹಾರಿಬಿಟ್ಟ ಸಂದರ್ಭದಲ್ಲಿ ಶಿವಮೊಗ್ಗದ ರೂಪೇಶಕುಮಾರ್ ಎನ್. ಎಂಬುವರಿಗೆ ಸೇರಿದ ಡ್ರೋಣ ಕ್ಯಾಮರಾ ಕಾಣೆಯಾಗಿತ್ತು. ಅಕ್ಕಪಕ್ಕದಲ್ಲಿ ಹುಡುಕಾಟ ನಡೆಸಿದರೂ ಕೂಡ ಪ್ರಯೋಜನವಾಗಿರಲಿಲ್ಲ.

ಕೃಷ್ಣ ಈಳಿಗೇರ ತಮ್ಮ ತೋಟಕ್ಕೆ ತೆರಳಿದಾಗ ಅಲ್ಲಿ ಕ್ಯಾಮರಾ ಪತ್ತೆಯಾದಾಗ ಕೂಡಲೇ ಮಾಲೀಕರನ್ನು ಕರೆಸಿ, ಅದನ್ನು ತಲುಪಿಸಿದ್ದಾರೆ. ಪ್ರಮೋದ್ ಸ್ಟುಡಿಯೋದ ಪ್ರಮೋದ್ ದೇಸಾಯಿ, ಪವನ್ ಜಾಬೀನ್, ಆದರ್ಶ ಅಂಕಸಖಾನಿ ಸೇರಿದಂತೆ ಹಲವು ಯುವಕರ ಸಮ್ಮುಖದಲ್ಲಿ ಡ್ರೋಣ ಕ್ಯಾಮೆರಾ ಹಸ್ತಾಂತರಿಸಲಾಯಿತು.