ಕಲಬುರಗಿ ಜಿಲ್ಲೆಯಲ್ಲಿ ಶೇ 64.85 ಸಾಕ್ಷರತೆ: ಮಧು ಬಂಗಾರಪ್ಪ

ಕಲಬುರಗಿ: ‘ಕಲಬುರಗಿ ಜಿಲ್ಲೆಯಲ್ಲಿ ಒಟ್ಟು ಶೇ 64.85 ಸಾಕ್ಷರತಾ ಪ್ರಮಾಣವಿದ್ದು, ಈ ಪೈಕಿ ಶೇ 74.38 ರಷ್ಟು ಪುರುಷರು ಮತ್ತು ಶೇ 55.09 ರಷ್ಟು ಮಹಿಳೆಯರು ಸಾಕ್ಷರರಾಗಿದ್ದಾರೆ’ ಎಂದು ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣ ಸಚಿವ ಮಧು ಬಂಗಾರಪ್ಪ ತಿಳಿಸಿದ್ದಾರೆ.

ವಿಧಾನ ಪರಿಷತ್‌ನಲ್ಲಿ ಸದಸ್ಯ ಬಿ.ಜಿ.ಪಾಟೀಲ ಕೇಳಿದ ಪ್ರಶ್ನೆಗೆ ಲಿಖಿತ ಉತ್ತರ ನೀಡಿದ ಸಚಿವರು, ‘ಯಾದಗಿರಿ ಜಿಲ್ಲೆಯಲ್ಲಿ ಒಟ್ಟು ಶೇ 51.83 ಸಾಕ್ಷರತಾ ಪ್ರಮಾಣವಿದೆ. ಈ ಪೈಕಿ ಶೇ 62.25 ಪುರುಷರು, ಶೇ 41.38 ಮಹಿಳೆಯರು ಸಾಕ್ಷರರಿದ್ದಾರೆ. ಸಾಕ್ಷರತಾ ಪ್ರಮಾಣ ಹೆಚ್ಚಿಸಲು ಕಲಬುರಗಿ ಜಿಲ್ಲೆಯಲ್ಲಿ 410, ಯಾದಗಿರಿ ಜಿಲ್ಲೆಯಲ್ಲಿ 467 ಕಲಿಕಾ ಕೇಂದ್ರಗಳನ್ನು ತೆರೆಯಲಾಗಿದೆ’ ಎಂದು ಅವರು ತಿಳಿಸಿದ್ದಾರೆ.