ಇನ್ನರ್ ವ್ಹೀಲ್ ಕ್ಲಬ್‌ನಿಂದ ಶಿಕ್ಷಕರಿಗೆ ಸನ್ಮಾನ
ಕಲಬುರಗಿ: ಇಲ್ಲಿನ ಇನ್ನರ್ ವ್ಹೀಲ್ ಕ್ಲಬ್ ಆಫ್‌ ಗುಲಬರ್ಗಾ (ಉತ್ತರ) ವಿಭಾಗದ ವತಿಯಿಂದ ಐವರಿಗೆ ಅತ್ಯುತ್ತಮ ಶಿಕ್ಷಕರು ಪ್ರಶಸ್ತಿ ನೀಡಿ ಗೌರವಿಸಲಾಯಿತು.
ಶಿಕ್ಷಕರ ದಿನಾಚರಣೆ ಅಂಗವಾಗಿ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಯಶ್ಎಸ್ವಿ ಮಾರ್ಗದರ್ಶಿ ಕೋಚಿಂಗ್ ಮತ್ತು ಟ್ರೇನಿಂಗ್ ಸೆಂಟರ್‌ನ ಡಾ. ಜಯಶ್ರೀ ರೆಡ್ಡಿ, ಪತಂಜಲಿ ಯೋಗ ತರಬೇತುದಾರ ಶಿವಾನಂದ ಸಾಲಿಮಠ, ಸರ್ಕಾರಿ ಶಾಲೆಯ ಸಹ ಶಿಕ್ಷಕಿ ಶಿವಲೀಲಾ ಶೆಟಕಾರ, ಅಂಬುಬಾಯಿ ಕಿವುಡ ಮತ್ತು ಮೂಗ ಮಕ್ಕಳ ಶಾಲೆಯ ಶಿಕ್ಷಕಿ ಸಂಗೀತಾ ಠಾಕೂರ್, ಕುಸನೂರಿನ ಸರ್ಕಾರಿ ಪ್ರಾಥಮಿಕ ಶಾಲೆಯ ಮುಖ್ಯ ಶಿಕ್ಷಕಿ ಸುವರ್ಣಾ ಪಾಟೀಲ ಅವರನ್ನು ಸನ್ಮಾನಿಸಲಾಯಿತು.
ಇದೇ ಸಂದರ್ಭದಲ್ಲಿ ಶಾಲಾ ಮಕ್ಕಳಿಗೆ ಬ್ಯಾಗ್‌ಗಳನ್ನು ವಿತರಿಸಲಾಯಿತು.
ಕ್ಲಬ್ ಅಧ್ಯಕ್ಷೆ ಸುಷ್ಮಾ ಹಡಗಲಿಮಠ, ಕಾರ್ಯದರ್ಶಿ ಸವಿತಾ ಮಠ,ಮಾಧವಿ ಕಿಣಗಿ, ಸವಿತಾ ಹಾಲಳ್ಳಿ, ಪ್ರಿಯಾಂಕಾ, ಲಕ್ಷ್ಮಿ ಅಡಕಿ ಭಾಗವಹಿಸಿದ್ದರು. ಡಾ.ಸಂಧ್ಯಾ ನಿರೂಪಿಸಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.