ಚಿಂಚೋಳಿಯಲ್ಲಿ 16 ವರ್ಷದ ಬಾಲಕಿ ಸಾವು: ಲೈಂಗಿಕ ದೌರ್ಜನ್ಯ ಕಾರಣ

ಚಿಂಚೋಳಿ (ಕಲಬುರ್ಗಿ ಜಿಲ್ಲೆ): ತಾಲ್ಲೂಕಿನ ಗ್ರಾಮವೊಂದರ 16 ವರ್ಷದ ಬಾಲಕಿಯ ಸಾವಿಗೆ ಆಕೆಯ ಸ್ನೇಹಿತ ಎಸಗಿದ್ದ ಲೈಂಗಿಕ ದೌರ್ಜನ್ಯ ಕಾರಣ ಎಂದು ಬಾಲಕಿಯ ತಂದೆ ಪೊಲೀಸರಿಗೆ ದೂರು ನೀಡಿದ್ದಾರೆ.

‘ಆತ ನನ್ನ ಮಗಳನ್ನು ಬುಧವಾರ ಮಧ್ಯಾಹ್ನ ಬೈಕ್‌ನಲ್ಲಿ ಅಪಹರಿಸಿಕೊಂಡು ಹೋಗಿ, ಅವಳಿಗೆ ಲೈಂಗಿಕ ಹಿಂಸೆ ನೀಡಿದ್ದಾನೆ. ಇದರಿಂದ ಬೇಸತ್ತು ವಿಷ ಕುಡಿದಿದ್ದಾಳೆ. ಆಕೆಯ ಸಾವಿಗೆ ಆತನೇ ಕಾರಣ’ಎಂದು ದೂರಿನಲ್ಲಿ ತಿಳಿಸಿದ್ದಾರೆ.