ಇಎಸ್‌ಐ ಆಸ್ಪತ್ರೆಗೆ ಕೋವಿಡ್‌–19 ಶಂಕಿತ ದಾಖಲು

ಚಿಂಚೋಳಿ: ದುಬೈನಿಂದ ಬಂದಿದ್ದ ತಾಲ್ಲೂಕಿನ ಐನಾಪುರ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ತಾಂಡಾದ ವ್ಯಕ್ತಿಯಲ್ಲಿ ಕೊರೊನಾ ಸೋಂಕಿನ ಶಂಕೆಯಿಂದ ಅವರನ್ನು ನಗರದ ಇಎಸ್ಐ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ತಂದೆಯ ಅಂತ್ಯಕ್ರಿಯೆಗೆ ಬಂದಿದ್ದ ಪುತ್ರನ ಬಗ್ಗೆ ಮಾಹಿತಿ ತಿಳಿದ ವೈದ್ಯರು ಅವರಿಗೂ ಕೊರೊನಾ ವೈರಸ್‌ ಹರಡಿದಬಹುದು ಎಂಬ ಶಂಕೆಯಿಂದ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಇದರಿಂದ ಗ್ರಾಮಸ್ಥರಲ್ಲಿ ತಳಮಳ ಶುರುವಾಗಿದೆ. ಮಾ 12ರಂದು ಅವರ ತಂದೆ ಸಾವನ್ನಪ್ಪಿದ್ದರು. ಮಾ.13ರಂದು ದುಬೈನಿಂದ ಆಗಮಿಸಿ ಅಂತ್ಯಕ್ರಿಯೆಯಲ್ಲಿ ಪಾಲ್ಗೊಂಡಿದ್ದರು.