ಕೊಂಡಗುಳಿಯಲ್ಲಿ ಗೋಡೆ ಕುಸಿತ: ಯುವತಿ ಸಾವು

ಯಡ್ರಾಮಿ: ಮಳೆಗೆ ಮನೆ ಗೋಡೆ ಕುಸಿದು ಯುವತಿ ಸಾವನ್ನಪ್ಪಿರುವ ಘಟನೆ ತಾಲ್ಲೂಕಿನ ಕೊಂಡಗುಳಿಯಲ್ಲಿ ಶನಿವಾರ ಬೆಳಿಗ್ಗೆ ನಡೆದಿದೆ.

ಜಗದೇವಿ ಈರಣ್ಣಗೌಡ ಮಾಲಿಬಿರಾದಾರ (23) ಮೃತ ಯುವತಿ. ಮಳೆಗೆ ನೆನೆದ ತಡೆಗೋಡೆ ಕುಸಿದು ಯುವತಿಯ ಮೇಲೆ ಬಿದ್ದಿದೆ. ಪರಿಣಾಮ ಯುವತಿ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾಳೆ. ಉಪತಹಶೀಲ್ದಾರ್ ಸತ್ಯಪ್ರಕಾಶ ಮತ್ತು ಪೊಲೀಸ್ ಸಿಬ್ಬಂದಿ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಈ ಕುರಿತು ಯಡ್ರಾಮಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.