ಶಾಸ್ತಾವು ದೇವಸ್ಥಾನ: ವಾರ್ಷಿಕ ಜಾತ್ರೆ

ನಾಪೋಕ್ಲು: ಪೆರಾಜೆ ಗ್ರಾಮದ ಶಾಸ್ತಾವು ದೇವಸ್ಥಾನದಲ್ಲಿ ವಾರ್ಷಿಕ ಜಾತ್ರೆ ವಿಜೃಂಭಣೆಯಿಂದ ನೆರವೇರಿತು.

ಜಾತ್ರೆಯ ಅಂಗವಾಗಿ ದೇವರ ದರ್ಶನ ಬಲಿ, ಬಟ್ಟಲು ಕಾಣಿಕೆ ಪ್ರಸಾದ ವಿತರಣೆ ನಡೆಯಿತು. ತುಳು ಕೋಲದ ಬೆಳ್ಳಾಟ, ಬೇಟೆ ಕರಿ ಮಗನ್ ಈಶ್ವರನ್ ಬೆಳ್ಳಾಟ, ತುಳುಕೋಲ ತಿರುವಪ್ಪಗಳು ನಡೆದವು.

ಜಾತ್ರೆಯ ಸಂದರ್ಭದಲ್ಲಿ ಗ್ರಾಮದ ಭಕ್ತರು ಸೇರಿ ದೇವರ ನೃತ್ಯ ಬಲಿ ವೀಕ್ಷಿಸಿದರು.

ದೇವಸ್ಥಾನದ ಮುಕ್ತೆಸರ ಜಿತೇಂದ್ರ ನಿಡ್ಯ ಮಲೆ, ಕಾರ್ಯದರ್ಶಿ ತೇಜ ಪ್ರಸಾದ್ ಅಮೆಚೂರ್, ದೇವತಕ್ಕ ರಾಜಗೋಪಾಲ ರಾಮಕಜೆ ಪಾಲ್ಗೊಂಡಿದ್ದರು.