ಚುನಾವಣಾ ಸುಧಾರಣೆ: ವಿದ್ಯಾರ್ಥಿಗಳಿಗೆ ಮಾಹಿತಿ 

ಸೋಮವಾರಪೇಟೆ: ಯಡೂರು ಗ್ರಾಮದಲ್ಲಿರುವ ಬಿಟಿಸಿಜಿ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಅಂತಿಮ ಬಿ.ಎ. ವಿದ್ಯಾರ್ಥಿಗಳು ಚುನಾವಣಾ ಸುಧಾರಣೆಗಳ ಬಗ್ಗೆ ಶುಕ್ರವಾರ ಗ್ರಾಮೀಣ ಭಾಗದಲ್ಲಿ ಜಾಗೃತಿ ಮೂಡಿಸಿ, ಮತದಾರದಿಂದಲೂ ಅಭಿಪ್ರಾಯ ಪಡೆದುಕೊಂಡರು.

ವಿದ್ಯಾರ್ಥಿಗಳಾದ ಹಂಸಿನಿ, ಶ್ರೇಯಾ, ವೇದಕುಮಾರ್, ಜೀವನ್ ಅವರು ಕರ್ಕಳ್ಳಿ ಕುಂದಳ್ಳಿ, ಯಡೂರು, ತಾಕೇರಿ ಗ್ರಾಮದಲ್ಲಿ ಮತದಾರರ ಮನೆಗೆ ಭೇಟಿ ನೀಡಿ ಸಂವಾದ ನಡೆಸಿದರು. ಶುಕ್ರವಾರ ಸೋಮವಾರಪೇಟೆ ತಾಲ್ಲೂಕು ಕಚೇರಿಯ ಚುನಾವಣಾ ಶಾಖೆಗೆ ಭೇಟಿ ನೀಡಿದ ವಿದ್ಯಾರ್ಥಿಗಳು ಶಿರಸ್ತೇದಾರ್ ವಿ.ಎನ್.ಲೋಹಿತ್ ಅವರಿಂದ ಮತಪತ್ರ ಮತ್ತು ಮತಯಂತ್ರದ ಬಗ್ಗೆ ಮಾಹಿತಿ ಪಡೆದುಕೊಂಡರು. ವಿವಿ ಪ್ಯಾಟ್ ವಿನ್ಯಾಸ ಮತ್ತು ನಿರ್ವಹಣೆ, ಕಡ್ಡಾಯ ಮತದಾನ, ವೋಟರ್ ಹೆಲ್ಪ್ ಲೈನ್ ಆ್ಯಪ್ ಬಗ್ಗೆ ಮಾಹಿತಿ ಪಡೆದುಕೊಂಡರು.