ಸಿದ್ದಾಪುರ: ಹೆಚ್ಚಿದ ಕಾಡಾನೆ ಉಪಟಳ

ಸಿದ್ದಾಪುರ: ಕರಡಿಗೋಡು ಗ್ರಾಮದಲ್ಲಿ ಕಾಡಾನೆ ಉಪಟಳ ಹೆಚ್ಚಾಗಿದ್ದು, ಈಚೆಗೆ ತೋಟದಲ್ಲಿನ ಗಿಡಗಳನ್ನು ನಾಶ ಮಾಡಿದೆ.

ಇಲ್ಲಿನ ತೋಟಗಳಿಗೆ ಕಾಡಾನೆಗಳ ಹಿಂಡು ದಾಳಿ ಮಾಡಿದ ಪರಿಣಾಮ ಗಿಡಗಳನ್ನು ನಾಶ ಮಾಡಿವೆ. ಅಡಿಕೆ ಮರಗಳೂ ಮುರಿದು ಬಿದ್ದಿವೆ. ಆನೆಗಳ ಓಡಾಟಕ್ಕೆ ಕೈಗೆ ಬಂದ ಬೆಳೆಯು ನಲುಗಿ ಹೋಗಿದೆ. 

ಗ್ರಾಮದಲ್ಲಿ ಕಳೆದ ಹಲವು ದಿನಗಳಿಂದ ಕಾಡಾನೆ ಹಿಂಡು ಬೀಡುಬಿಟ್ಟಿದ್ದು, ಅರಣ್ಯ ಇಲಾಖೆ ಕಾಡಿಗೆ ಅಟ್ಟಬೇಕೆಂದು ಸ್ಥಳೀಯರು ಒತಾಯಿಸಿದ್ದಾರೆ.