ಸುಂಟಿಕೊಪ್ಪ (ಕೊಡಗು): ಹೋಬಳಿ ವ್ಯಾಪ್ತಿಯಲ್ಲಿ ಖೋಟಾನೋಟು ಹಾವಳಿ ಹೆಚ್ಚಾಗಿದ್ದು ಸಾರ್ವಜನಿಕರು, ವ್ಯಾಪಾರಸ್ಥರು ಹಾಗೂ ಕೂಲಿ ಕಾರ್ಮಿಕರು ಆತಂಕಗೊಂಡಿದ್ದಾರೆ.
ಇಲ್ಲಿನ ವಂದನಾಬಾರ್ ಮಾಲೀಕ ಪಟ್ಟೆಮನೆ ಶೇಷಪ್ಪ ಅವರು ಗುರುವಾರ ಬ್ಯಾಂಕ್ಗೆ ಹಣ ಸಂದಾಯ ಮಾಡಲು ಎಣಿಕೆ ಮಾಡುತ್ತಿದ್ದಾಗ ₹ 100 ಮುಖಬೆಲೆಯ ನಂಬರ್ 522671 ಖೋಟಾ ನೋಟು ಪತ್ತೆಯಾಗಿದೆ.
ಈಚೆಗೆ ಪಟ್ಟಣದ ಪೆಟ್ರೋಲ್ ಬಂಕ್ನಲ್ಲಿ ಡಿಸೇಲ್ ತುಂಬಿಸಲು ಬಂದಿದ್ದ ಲಾರಿ ಚಾಲಕನೊಬ್ಬ ₹ 500 ಮುಖಬೆಲೆಯ ಒಂದೇ ಸಂಖ್ಯೆಯ ನಾಲ್ಕು ನೋಟುಗಳನ್ನು ನೀಡಿದ್ದ. ಒಂದೇ ಸಂಖ್ಯೆ ಇರುವುದನ್ನು ಗಮನಿಸಿದ ಬಂಕ್ ಸಿಬ್ಬಂದಿ, ಚಾಲಕನನ್ನು ಪ್ರಶ್ನಿಸಿದ್ದಾರೆ. ಇದರಿಂದ ವಿಚಲಿತನಾದ ಚಾಲಕನ ಯಾರೋ ಕೊಟ್ಟಿದ್ದು ಎಂದು ಹೇಳಿ ಅಲ್ಲಿಂದ ತೆರಳಿದ್ದ.
ಈ ಹಿಂದೆಯೂ ಇಲ್ಲಿನ ವಿಜಯ ಬ್ಯಾಂಕ್ಗೆ ತೋಟದ ಕಾರ್ಮಿಕರು ನೀಡಿದ್ದ ₹ 2,000 ಮತ್ತು ₹ 200 ಮುಖಬೆಲೆಯ ಖೋಟಾ ಎಂದು ಪತ್ತೆಯಾಗಿದ್ದವು.
ಸುಂಟಿಕೊಪ್ಪ ವ್ಯಾಪ್ತಿಯಲ್ಲಿ ಕಾರ್ಮಿಕರೇ ಹೆಚ್ಚಾಗಿ ನೆಲೆಸಿದ್ದು, ಅವರಿಗೆ ಈ ಖೋಟಾನೋಟು ನೀಡುವ ವ್ಯವಸ್ಥಿತ ಜಾಲವೊಂದು ಕೆಲಸ ಮಾಡುತ್ತಿದೆ. ಕೂಡಲೇ ಪೊಲೀಸರು ಕ್ರಮ ಕೈಗೊಳ್ಳಬೇಕು ಎಂದು ಸ್ಥಳೀಯರು ಆಗ್ರಹಿಸಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.