ಗೋಣಿಕೊಪ್ಪಲು | ಹೊಳೆಗೆ ತ್ಯಾಜ್ಯ: ₹ 2 ಸಾವಿರ ದಂಡ

ಗೋಣಿಕೊಪ್ಪಲು: ಪೊನ್ನಂಪೇಟೆಯಲ್ಲಿ ವ್ಯಾಪಾರಿಯೊಬ್ಬರು ತ್ಯಾಜ್ಯವನ್ನು ಬಿ.ಶೆಟ್ಟಿಗೇರಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಬರಪೊಳೆಗೆ ಎಸೆಯುತ್ತಿದ್ದ ಸಂಬಂಧ ದಂಡ ವಿಧಿಸಲಾಗಿದೆ.

ಪೊನ್ನಂಪೇಟೆ ಪಟ್ಟಣದ ವಾಣಿಜ್ಯ ಮಳಿಗೆಯೊಂದರಲ್ಲಿ ಕಸವನ್ನು ವಾಹನದಲ್ಲಿ ತುಂಬಿಸಿಕೊಂಡು ಬಿ.ಶೆಟ್ಟಿಗೇರಿ ಬಳಿಯ ಬರಪೊಳೆಗೆ ಎಸೆಯುತ್ತಿದ್ದರು ಎನ್ನಲಾಗಿದೆ. ಈ ವೇಳೆಯಲ್ಲಿ ಸ್ಥಳಕ್ಕೆ ಬಂದ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಕೊಲ್ಲೀರ ಬೋಣಣ್ಣ ಕಸ ಎಸೆಯುತ್ತಿದ್ದ ವ್ಯಕ್ತಿಗೆ ಸ್ಥಳದಲ್ಲಿಯೇ ₹ 2,000 ಸಾವಿರ ದಂಡ ವಿಧಿಸಿದರು.

ಹೊಳೆಗೆ ತ್ಯಾಜ್ಯ ಎಸೆದರೆ ₹25,000 ವರೆಗೆ ದಂಡ ವಿಧಿಸಲಾಗುವುದು ಎಂದು ಎಚ್ಚರಿಸಿದರು.