ಹರಿದಾಡಿದ ರಜೆ ಘೋಷಣೆಯ ನಕಲಿ ಆದೇಶ!

ಮಡಿಕೇರಿ: ಮಳೆಯ ಕಾರಣಕ್ಕೆ ಆಗಸ್ಟ್ 1ರಂದು ಶಾಲಾ, ಕಾಲೇಜುಗಳಿಗೆ ರಜೆ ಘೋಷಣೆ ಮಾಡಲಾಗಿದೆ ಎಂಬ ನಕಲಿ ಆದೇಶದ ಪ‍್ರತಿಯೊಂದು ವಾಟ್ಸ್‌ಆ್ಯಪ್ ಗ್ರೂಪ್‌ಗಳಲ್ಲಿ ಹರಿದಾಡಿ ಗೊಂದಲ ಸೃಷ್ಟಿಸಿತು.

‌ಕೆಲವೊಂದು ಶಾಲೆಗಳು ತಮ್ಮ ವಿದ್ಯಾರ್ಥಿಗಳ ಪೋಷಕರ ಗ್ರೂಪ್‌ಗಳಲ್ಲಿ ಹಂಚಿಕೊಂಡವು. ನಂತರ, ಇದು ನಕಲಿ ಎಂಬುದು ಗೊತ್ತಾಗುತ್ತಿದ್ದಂತೆ ಡಿಲಿಟ್ ಮಾಡಿದರು.

‌ಇಂತಹ ನಕಲಿ ಆದೇಶದ ಪ್ರತಿ ಸೃಷ್ಟಿಸಿದವರ ವಿರುದ್ಧ ಕಠಿಣ ಕ್ರಮಗಳನ್ನು ಕೈಗೊಳ್ಳಬೇಕು ಎಂದು ಸಾರ್ವಜನಿಕರು ಒತ್ತಾಯಿಸಿದ್ದಾರೆ.