ಸ್ಮಾರ್ಟ್ ಮೀಟರ್ | ಹೈಕೋರ್ಟ್‌ ನೋಟಿಸ್ ನೀಡಿದ್ದರಿಂದ ಅನುಕೂಲ; ಕೆ.ಜೆ.ಜಾರ್ಜ್

ಮಡಿಕೇರಿ: ‘ಸ್ಮಾರ್ಟ್ ಮೀಟರ್ ವಿಚಾರದಲ್ಲಿ ಸರ್ಕಾರಕ್ಕೆ ಹೈಕೋರ್ಟ್ ನೋಟಿಸ್ ಕೊಟ್ಟಿರುವುದು ಒಳ್ಳೆಯದೇ ಆಯಿತು. ನಮ್ಮ ಅಭಿಪ್ರಾಯವನ್ನು ಸಮರ್ಥಿಸಿಕೊಳ್ಳಲು ಅವಕಾಶ ಸಿಕ್ಕಿದೆ’ ಎಂದು ಇಂಧನ ಖಾತೆ ಸಚಿವ ಕೆ.ಜೆ.ಜಾರ್ಜ್ ತಿಳಿಸಿದರು.

‘ನ್ಯಾಯಾಲಯದ ಮುಂದೆ ನಮ್ಮ ದಾಖಲೆಗಳನ್ನಿಡಲು ಅನುಕೂಲವಾಯಿತು. ಅಲ್ಲಿಯೇ ತೀರ್ಮಾನವಾಗಲಿ. ತೀರ್ಪಿನ ನಂತರ ಪ್ರತಿಕ್ರಿಯಿಸುತ್ತೇನೆ’ ಎಂದು ಇಲ್ಲಿ ಶುಕ್ರವಾರ ಸುದ್ದಿಗಾರರ ಪ್ರಶ್ನೆಗಳಿಗೆ ಪ್ರತಿಕ್ರಿಯಿಸಿದರು.

‘ಕಾಶ್ಮೀರದಲ್ಲಿ ಉಗ್ರರ ದಾಳಿ ನಡೆಯಬಾರದಿತ್ತು. ಆದರೆ, ಅಲ್ಲಿನವರು ನಮ್ಮ ಜನರೊಂದಿಗೆ ನಿಂತು ಭಯೋತ್ಪಾದನೆಯನ್ನು ಖಂಡಿಸಿದ್ದಾರೆ. ಇದು ಸಮಾಧಾನದ ವಿಷಯ’ ಎಂದರು.