ಮಡಿಕೇರಿ: ರಾಜಹಂಸ ಬಸ್‌ ಪ‍್ರಯಾಣದರ ಇಳಿಕೆ

ಮಡಿಕೇರಿ: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದ ಪುತ್ತೂರು ವಿಭಾಗದ ವತಿಯಿಂದ ಮಡಿಕೇರಿ, ಕುಶಾಲನಗರ, ವಿರಾಜಪೇಟೆ, ಗೋಣಿಕೊಪ್ಪಲು, ಸೋಮವಾರಪೇಟೆಯಿಂದ ಬೆಂಗಳೂರು ಹಾಗೂ ಮೈಸೂರಿಗೆ ಹೊರಡುವ ರಾಜಹಂಸ ಹಾಗೂ ‘ನಾನ್ ಎಸಿ ಸ್ಲೀಪರ್’ ಮಾದರಿಯ ಸಾರಿಗೆಗಳ ಪ್ರಯಾಣ ದರವನ್ನು ಕಡಿಮೆ ಮಾಡಲಾಗಿದೆ ಎಂದು ವಿಭಾಗೀಯ ನಿಯಂತ್ರಣಾಧಿಕಾರಿ ಎಂ.ಪಿ.ಶ್ರೀಹರಿಬಾಬು ತಿಳಿಸಿದ್ದಾರೆ.

ಕುಶಾಲನಗರ-ಬೆಂಗಳೂರು ನಾನ್ ಎಸಿ ಸ್ಲೀಪರ್ ಪ್ರಯಾಣದರವನ್ನು ₹ 780ರಿಂದ ₹ 700, ರಾಜಹಂಸ ಪ್ರಯಾಣ ದರ ₹ 680ರಿಂದ ₹550, ವಿರಾಜಪೇಟೆ-ಬೆಂಗಳೂರು ರಾಜಹಂಸ ₹ 620ರಿಂದ ₹ 550, ಗೋಣಿಕೊಪ್ಪಲು-ಬೆಂಗಳೂರು ರಾಜಹಂಸ ₹ 620ರಿಂದ ₹550, ಸೋಮವಾರಪೇಟೆ-ಬೆಂಗಳೂರು ರಾಜಹಂಸ ₹ 630ರಿಂದ ₹ 550, ಮಡಿಕೇರಿ-ಮೈಸೂರು ಮಾರ್ಗ ನಾನ್ ಎಸಿ ಸ್ಲೀಪರ್ ₹ 570ರಿಂದ ₹450, ರಾಜಹಂಸ ₹ 430ರಿಂದ ₹ 280ಕ್ಕೆ ಇಳಿಕೆ ಮಾಡಲಾಗಿದೆ ಎಂದು ಅವರು ಹೇಳಿದ್ದಾರೆ.