ಬೀಳುತ್ತಿರುವ ಮರಗಳು, ಸೆಸ್ಕ್ ಸಿಬ್ಬಂದಿ ಕೆಲಸ ಸ್ಥಗಿತ

ಮಡಿಕೇರಿ: ಜಿಲ್ಲೆಯಲ್ಲಿ ಬಿರುಗಾಳಿ ಸಹಿತ ಧಾರಾಕಾರ ಮಳೆ ಸುರಿಯುತ್ತಿದ್ದು, ಇದೀಗ ಸೆಸ್ಕ್ ಸಿಬ್ಬಂದಿ ಕಾರ್ಯಾಚರಣೆಗೂ ಅಡ್ಡಿಯಾಗಿದೆ.

ಬಿರುಗಾಳಿಗೆ ನಿರಂತರವಾಗಿ ಮರಗಳು ಎಲ್ಲೆಂದರಲ್ಲಿ ಬೀಳುತ್ತಿದ್ದು, ಸೆಸ್ಕ್ ಸಿಬ್ಬಂದಿ ಕಾರ್ಯನಿರ್ವಹಣೆ ಕಷ್ಟಕರವಾಗಿ ಪರಿಣಮಿಸಿದೆ.

ಇಲ್ಲಿನ ವಿರಾಜಪೇಟೆಯಿಂದ ಸಿದ್ದಾಪುರ ಕಡೆಗೆ ಹಾದು ಹೋಗುವ 33 ಕೆ.ವಿ ಸಾಮರ್ಥ್ಯದ ವಿದ್ಯುತ್ ಮಾರ್ಗದ ಮೇಲೆ ಒಂದೇ ದಿನ 4 ಬಾರಿ ಮರಗಳು ಬಿದ್ದವು. ಇದರಿಂದ ಇಲ್ಲಿ ದುರಸ್ತಿ ಕಾರ್ಯವನ್ನು ಸಿಬ್ಬಂದಿಯ ಸುರಕ್ಷತೆಯ ಕಾರಣಕ್ಕೆ ಒಂದುದಿನದ ಮಟ್ಟಿಗೆ ಸ್ಥಗಿತಗೊಳಿಸಲಾಗಿದೆ ಎಂದು ಸೆಸ್ಕ್ ಕಾರ್ಯ‍‍ಪಾಲಕ ಎಂಜಿನಿಯರ್ ಅನಿತಾಬಾಯಿ ತಿಳಿಸಿದ್ದಾರೆ.