ರವಿಕುಮಾರ್‌ ಪೊಲೀಸ್‌ ಅಧಿಕಾರಿಯೇ: ಸಲೀಂ ಪ್ರಶ್ನೆ

ಮಡಿಕೇರಿ: ‘ವಿಧಾನ ಪರಿಷತ್‌ ಬಿಜೆಪಿ‌ ಸದಸ್ಯ ಎನ್‌.ರವಿಕುಮಾರ್‌ ಏನು ಪೊಲೀಸ್‌ ಅಧಿಕಾರಿಯೇ? ಆತನೊಬ್ಬ ಮೂರ್ಖ’ ಎಂದು ಕೆಪಿಸಿಸಿ ಕಾರ್ಯಾಧ್ಯಕ್ಷ ಸಲೀಂ ಅಹಮ್ಮದ್‌ ಶುಕ್ರವಾರ ಇಲ್ಲಿ ಟೀಕಿಸಿದರು.

ಡ್ರಗ್ಸ್‌ ದಂಧೆ ವಿಚಾರದಲ್ಲಿ ಕಾಂಗ್ರೆಸ್‌ ಶಾಸಕರೊಬ್ಬರ ಬಂಧನವಾಗಲಿದೆ ಎಂಬ ರವಿಕುಮಾರ್‌ ಹೇಳಿಕೆಗೆ ಪ್ರತಿಕ್ರಿಯಿಸಿ, ‘ರವಿಕುಮಾರ್‌ ಮಂತ್ರಿಯೇ? ಬಾಯಿಗೆ ಬಂದಂತೆ ಮಾತನಾಡಬಾರದು. ಯಾರೇ ತಪ್ಪು ಮಾಡಿದ್ದರೂ ಕಾನೂನು ಪ್ರಕಾರ ಕ್ರಮ ಆಗಲಿದೆ. ಅದನ್ನು ಬಿಟ್ಟು ರಾಜಕೀಯಪ್ರೇರಿತ ಹೇಳಿಕೆ ನೀಡಬಾರದು’ ಎಂದರು.