ಸಿದ್ದಾಪುರ | ವೃದ್ಧೆ ಮೃತದೇಹ ಪತ್ತೆ

ಸಿದ್ದಾಪುರ: ಕಾಫಿ ತೋಟದ ಲೈನ್‌ಮನೆಯಿಂದ ಕಾಣೆಯಾಗಿದ್ದ ವೃದ್ಧೆ ಮೃತದೇಹ ಕರಡಿಗೋಡು ಗ್ರಾಮದ ಕಾವೇರಿ ನದಿಯಲ್ಲಿ ಮಂಗಳವಾರ ಪತ್ತೆಯಾಗಿದೆ.

ಗ್ರಾಮದ ಭುವನಳ್ಳಿ ಕಾಫಿ ತೋಟದಲ್ಲಿ ಕಾರ್ಮಿಕರಾಗಿ ಕೆಲಸ ಮಾಡಿಕೊಂಡಿರುವ ನಂಜನಗೂಡಿನ ನಿವಾಸಿ ಕಾಂತರಾಜ್ ಅವರ ತಾಯಿ ಸಿದ್ದಮ್ಮ (80) ಡಿ.25 ರಂದು ಕಾಣೆಯಾಗಿದ್ದರು. ಈ ಬಗ್ಗೆ ಸಿದ್ದಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.

ಕರಡಿಗೋಡು ಗ್ರಾಮಸ್ಥರಿಗೆ ನದಿಯಲ್ಲಿ ಮಂಗಳವಾರ ಮೃತದೇಹ ಕಂಡಿದ್ದು, ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಪರಿಶೀಲನೆಯಲ್ಲಿ ಸಿದ್ದಮ್ಮ ಎಂಬುದು ದೃಢಪಟ್ಟಿದೆ. ಸಿದ್ದಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.