ಬೇತಮಂಗಲ | ಹೆಲ್ಮೆಟ್ ಕಡ್ಡಾಯ: ಮುಲಾಜಿಲ್ಲದೆ ದಂಡ ವಸೂಲಿ

ಬೇತಮಂಗಲ: ಹೆಲ್ಮೆಟ್ ಹಾಕದೆ ರಸ್ತೆಗಿಳಿದ ದ್ವಿಚಕ್ರ ವಾಹನ ಸವಾರರಿಗೆ ಬೇತಮಂಗಲ ಪೊಲೀಸರು ಚುಮುಚುಮು ಚಳಿಯಲ್ಲಿ ದಂಡದ ಬಿಸಿ ಮುಟ್ಟಿಸಿದರು.

ಪೊಲೀಸ್ ಇಲಾಖೆಯಿಂದ ವತಿಯಿಂದ ಸುಮಾರು 10-15 ದಿನಗಳಿಂದ ಹೆಲ್ಮೆಟ್ ಕಡ್ಡಾಯದ ಕುರಿತು ಜಾಗೃತಿ ಮೂಡಿಸಿ. ಡಿ.8ರಿಂದ ಹೆಲ್ಮೆಟ್ ಕಡ್ಡಾಯಗೊಳಿಸಿದ್ದರು. ಆದರೂ ನಿರ್ಲಕ್ಷ್ಯ ತೋರುವವರಿಗೆ ದಂಡ ವಿಧಿಸಲಾಗಿದೆ.

ಬೇತಮಂಗಲ ಪೊಲೀಸ್ ಠಾಣೆ ಪಿಎಸ್ಐ ಗುರುರಾಜ್ ಚಿಂತಕಲ್ ನೇತೃತ್ವದಲ್ಲಿ ಬೀದಿಗಿಳಿದ ಪೊಲೀಸರ ತಂಡವು ಯಾವುದೇ ಪಕ್ಷದ ನಾಯಕರು, ಪೊಲೀಸರು, ಮಾಧ್ಯಮದವರು, ಅಧಿಕಾರಿಗಳು ಯಾರಿಗೂ ಮುಲಾಜಿಲ್ಲದೆ ದಂಡ ವಿಧಿಸಿದರು.