ನಾಯಿ ದಾಳಿ: ಜಿಂಕೆ ಬಲಿ

ಕೆಜಿಎಫ್‌: ಬೆಮಲ್‌ ನಗರದ ಎಚ್‌ ಆ್ಯಂಡ್‌ ಪಿ ವಿಭಾಗದ ಹಿಂಭಾಗದಲ್ಲಿ ಭಾನುವಾರ ಬೀದಿ ನಾಯಿಗಳ ದಾಳಿಗೆ ಸಿಕ್ಕಿ ಜಿಂಕೆ ಮರಿ ಮೃತಪಟ್ಟಿದೆ.

ದಾರಿ ತಪ್ಪಿ ನಗರ ಪ್ರದೇಶದ ಅಂಚಿಗೆ ಬಂದಿದ್ದ ಜಿಂಕೆ ಮರಿಯ ಮೇಲೆ ನಾಯಿಗಳು ದಾಳಿ ಮಾಡುತ್ತಿದ್ದುದನ್ನು ಕಂಡು, ಸ್ಥಳೀಯರು ರಕ್ಷಿಸಲು ಹೋದರು. ಆದರೆ ಅಷ್ಟರೊಳಗೆ ನಾಯಿ ದಾಳಿಗೆ ಸಿಕ್ಕಿ ಗಾಯಗೊಂಡಿದ್ದ ಹೆಣ್ಣು ಜಿಂಕೆ ಮರಿ ಸಾವನ್ನಪ್ಪಿತು. ವಾಯ್ಸ್ ಫಾರ್ ವೈಡ್‌ ಲೈಫ್‌ ಮುಖ್ಯಸ್ಥ ಸ್ನೇಕ್‌ರಾಜ ಜಿಂಕೆ ಮರಿಯನ್ನು ಅರಣ್ಯ ಇಲಾಖೆ ಸಿಬ್ಬಂದಿಗೆ
ಒಪ್ಪಿಸಿದರು.