ಬೇತಮಂಗಲ | ಕೋಟಿಲಿಂಗೇಶ್ವರದಲ್ಲಿ ಗುರು ಪೂರ್ಣಿಮೆ

ಬೇತಮಂಗಲ: ಕಮ್ಮಸಂದ್ರ ಗ್ರಾಮದ ಕೋಟಿಲಿಂಗೇಶ್ವರ ಸ್ವಾಮಿ ದೇವಾಲಯದಲ್ಲಿ ಗುರು ಪೂರ್ಣಿಮೆ ಪ್ರಯುಕ್ತ ಭಾನುವಾರ ವಿವಿಧ ಪೂಜೆ ಕಾರ್ಯಗಳು ನಡೆದವು.

ಸ್ವಾಮಿಯನ್ನು ವಿವಿಧ ಹೂಗಳಿಂದ ಅಲಂಕರಿಸಲಾಗಿತ್ತು. ಬೆಳಗ್ಗೆಯಿಂದ ಸಂಜೆಯವರೆಗೆ ವಿವಿಧ ಪೂಜೆ ನಡೆಯಿತು. ಸಾಂಬಶಿವ ಮೂರ್ತಿ ಸ್ವಾಮಿ ಮುಕ್ತಿ ಮಂದಿರದಲ್ಲಿ ಅನೇಕ ಸಾಧುಸಂತರ ಭಾವಚಿತ್ರಗಳನ್ನು ಅಳವಡಿಸಲಾಗಿತ್ತು.

ಗುರು ಪೂರ್ಣಿಮೆ ಅಂಗವಾಗಿ ರಾಜ್ಯ, ಹೊರ ರಾಜ್ಯಗಳಿಂದ ಸಾವಿರಾರು ಭಕ್ತರು ಆಗಮಿಸಿ ಸ್ವಾಮಿಯ ದರ್ಶನ ಪಡೆದರು.