ಮುಳಬಾಗಿಲು: ಯುವಕ ಆತ್ಮಹತ್ಯೆ

ಮುಳಬಾಗಿಲು: ತಾಲ್ಲೂಕಿನ ಕುಪ್ಪಾಂಡಹಳ್ಳಿ ಗ್ರಾಮದಲ್ಲಿ ಯುವಕೊಬ್ಬ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾನೆ. 

ಕೆ.ಸಿ.ದೇವರಾಜ್ (24) ಮೃತರು. ಮೃತ ವ್ಯಕ್ತಿ ಮಂಗಳವಾರ ಸಂಜೆ ತಮ್ಮ ತೋಟದ ಬಳಿಯ ಮರವೊಂದಕ್ಕೆ ಹಗ್ಗದಿಂದ ನೇಣು ಬಿಗಿದುಕೊಂಡು ಮೃತಪಟ್ಟಿದ್ದು, ಸಾವಿಗೆ ಕಾರಣ ತಿಳಿದುಬಂದಿಲ್ಲ. ಮುಳಬಾಗಿಲು ಗ್ರಾಮಾಂತರ ಪೊಲೀಸ್ ಸಬ್ ಇನ್‌ಸ್ಪೆಕ್ಟರ್ ವಿಠಲ್ ವೈ. ತಳವಾರ್ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿ, ಪ್ರಕರಣ ದಾಖಲಿಸಿದ್ದಾರೆ.