ಬನ್ನೇರುಘಟ್ಟಕ್ಕೆ ಸಿಂಗಪುರದ ಕೆಂಪುಮೂತಿ ಬಬೂನ್‌ಗಳು

ಆನೇಕಲ್ : ಪ್ರಾಣಿ ವಿನಿಮಯ ಯೋಜನೆಯಡಿಯಲ್ಲಿ ಸಿಂಗಪುರದ ಪ್ರಾಣಿ ಸಂಗ್ರಹಾಲಯದಿಂದ ಬನ್ನೇರುಘಟ್ಟ ಜೈವಿಕ ಉದ್ಯಾನಕ್ಕೆ ಎರಡು ಗಂಡು ಮತ್ತು ನಾಲ್ಕು ಹೆಣ್ಣು ಹಮಾದ್ರಿಯಾಸ್‌ ಬಬೂನ್‌ (ಕೆಂಪುಮೂತಿಯ ಮಂಗ) ತರಲಾಗಿದೆ ಎಂದು ಉದ್ಯಾನದ ಕಾರ್ಯನಿರ್ವಾಹಕ ನಿರ್ದೇಶಕ ಸೂರ್ಯಸೇನ್‌ ತಿಳಿಸಿದರು.

ಹೊರ ದೇಶದಿಂದ ತಂದ ಪ್ರಾಣಿಗಳನ್ನು ಸ್ಥಳಾಂತರಿಸುವ ಮೊದಲು ಒಂದು ತಿಂಗಳ ಕಾಲ ಕ್ವಾರೆಂಟೈನ್‌ ಮಾಡಬೇಕೆಂಬ ಮಾರ್ಗಸೂಚಿಯಿದ್ದು ಅದರಂತೆ ಕ್ರಮ ಕೈಗೊಳ್ಳಲಾಗಿದೆ. ಪ್ರಾಣಿಗಳನ್ನು ಕ್ವಾರೆಂಟೈನ್ ಪ್ರದೇಶದಲ್ಲಿ ಬಿಡಲಾಗಿದೆ ಎಂದು ತಿಳಿಸಿದರು.