ಕುಕನೂರು | ದುರ್ಗಮ್ಮ ದೇವಿಗೆ ಉಡಿ ತುಂಬುವ ಕಾರ್ಯಕ್ರಮ

ಕುಕನೂರು: ಸಮೃದ್ಧ ಮಳೆ ಹಾಗೂ ಬೆಳೆಗಾಗಿ ಪ್ರಾರ್ಥಿಸಿ ಇಲ್ಲಿನ ಕೋಳಿಪೇಟೆಯ ಗ್ರಾಮದೇವತೆ ದುರ್ಗಮ್ಮ ದೇವಿಗೆ ಉಡಿತುಂಬುವ ಕಾರ್ಯಕ್ರಮ ಮಂಗಳವಾರ ನಡೆಯಿತು.

‘ಗ್ರಾಮದಲ್ಲಿ ಗ್ರಾಮಸ್ಥರು ಐದು ವಾರಗಳಿಂದ ಭಕ್ತಿ ಭಾವದಿಂದ ತಾಯಿಯ ಉಡಿತುಂಬುವ ಕಾರ್ಯ ನೆರವೇರಿಸಿದ್ದಾರೆ. ಸಂಪ್ರದಾಯದಂತೆ ಈ ವೇಳೆ ರೈತರು ಯಾವುದೇ ಕೆಲಸಗಳನ್ನು ಮಾಡುವುದಿಲ್ಲ. ಎತ್ತುಗಳಿಂದ ಉಳುಮೆಯನ್ನು ಮಾಡುವುದಿಲ್ಲ. ಮನೆಯಲ್ಲಿ ರೊಟ್ಟಿ ಸಹ ಮಾಡದೇ ಉಡಿ ತುಂಬುವ ಕಾರ್ಯ ನೆರವೇರಿಸಿರುವುದು ವೈಶಿಷ್ಟವಾಗಿದೆ’ ಎಂದು ಪಟ್ಟಣ ಪಂಚಾಯಿತಿ ಸದಸ್ಯ ಗಗನ ನೋಟಗಾರ ಹೇಳಿದರು.

 ಮುಖಂಡ ವೀರೇಶ ಸಬರದ,ಇತರರು ಹಾಜರಿದ್ದರು.