ಹನಮನಾಳನಲ್ಲಿ ಉಚಿತ ಎಲುಬು-ಕೀಲು ಚಿಕಿತ್ಸಾ ಶಿಬಿರ

ಹನುಮಸಾಗರ: ತಪಶೆಟ್ಟಿ ಆಸ್ಪತ್ರೆ ನೇತೃತ್ವದಲ್ಲಿ ರವಿವಾರರಂದು ಹನಮನಾಳದ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಆವರಣದಲ್ಲಿ ಉಚಿತ ಎಲುಬು, ಕೀಲು, ಬೆನ್ನು ಹುರಿ ಹಾಗೂ ಸಂಧಿವಾತ ಸಂಬಂಧಿತ ತಜ್ಞ ಚಿಕಿತ್ಸೆ ಶಿಬಿರವನ್ನು ಆಯೋಜಿಸಲಾಗಿತ್ತು.

ಈ ಶಿಬಿರದಲ್ಲಿ ಖ್ಯಾತ ಸಂಧಿವಾತ ತಜ್ಞ ಡಾ.ಸಂದೀಪ ತಪಶೆಟ್ಟಿ ಅವರು 300ಕ್ಕೂ ಹೆಚ್ಚು ರೋಗಿಗಳಿಗೆ ನಿಖರ ತಪಾಸಣೆ ನಡೆಸಿ, ಉಚಿತ ಔಷಧಿ ವಿತರಿಸಿದರು. ಡಾ.ಸಂದೀಪ ತಪಶೆಟ್ಟಿ ಅವರು ಕೀಲು ನೋವು, ಬೆನ್ನುನೋವು, ಸ್ನಾಯು ಬೇದನೆ, ಸಂಧಿವಾತ ಇತ್ಯಾದಿ ಸಮಸ್ಯೆಗಳ ತಜ್ಞರಾಗಿ ಹೆಸರುವಾಸಿಯಾಗಿದ್ದು, ಹಲವು ವರ್ಷಗಳಿಂದ ಈ ಕ್ಷೇತ್ರದಲ್ಲಿ ಜನಸೇವೆಯಲ್ಲಿ ತೊಡಗಿರುವ ಸಾಧನಾಶೀಲ ವೈದ್ಯರಾಗಿದ್ದಾರೆ. ಶಿಬಿರದಲ್ಲಿ ಅವರು ರೋಗಿಗಳಿಗೆ ನವೀಕೃತ ಚಿಕಿತ್ಸಾ ವಿಧಾನಗಳ ಬಗ್ಗೆ ಮಾಹಿತಿ ನೀಡಿ, ಹೇಗೆ ಜೀವನಶೈಲಿಯಲ್ಲಿ ಸರಳ ಬದಲಾವಣೆಗಳು ಆರೋಗ್ಯ ಸುಧಾರಣೆಗೆ ಸಹಾಯ ಮಾಡುತ್ತವೆ ಎಂಬುದನ್ನು ವಿವರಿಸಿದರು.

ಹನಮನಾಳ ನಗರ ಹಾಗೂ ಸುತ್ತಮುತ್ತಲಿನ ಗ್ರಾಮಗಳ ಜನರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಶಿಬಿರದ ಸದುಪಯೋಗಪಡೆದುಕೊಂಡರು.