ಮೊಹರಂ: ಸವಾರಿ ಮೆರವಣಿಗೆ

ಕಾರಟಗಿ: ಪಟ್ಟಣದ 12 ನೇ ವಾರ್ಡ್‌ನಲ್ಲಿ ಏಳನೇ ದಿನದ ಸವಾರಿ ಮೆರವಣಿಗೆ ಪ್ರಯುಕ್ತ ಬುಧವಾರ ಮೌಲಾಲಿ, ಇಮಾಮ್, ಕಾಸೀಮ್
ಪಾಂಜಾಗಳ ಮೆರವಣಿಗೆ ಸರಳವಾಗಿ ನಡೆಯಿತು.

ಮೆರವಣಿಗೆಯಲ್ಲಿ ಮಹಿಳೆಯರು, ಮಕ್ಕಳು ಪಾಲ್ಗೊಂಡು ಉತ್ಸವಕ್ಕೆ ಮೆರಗು ತಂದರು.

ಪಟ್ಟಣದ ವಿವಿಧ ದರ್ಗಾಗಳಲ್ಲಿ ವಿವಿಧ ದೇವರುಗಳ ಹೆಸರಲ್ಲಿ ಪಾಂಜಾಗಳನ್ನು ಕೂಡಿಸಲಾಗಿದೆ. ಆಯಾ ಪ್ರದೇಶಗಳಿಗೆ ತೆರಳಿ ಭಕ್ತರು ದೇವರುಗಳಿಗೆ ಭಕ್ತಿಯಿಂದ ನಮಸ್ಕರಿಸಿದರು.

ಕೆಲವರು ದೇವರುಗಳಿಗೆ ಕಾಣಿಕೆ ಸಮರ್ಪಿಸುತ್ತಿರುವುದು ಕಂಡುಬಂತು.

ಅಲಾಯಿ ಕುಣಿ ಬಳಿ ಮಕ್ಕಳು ಹಾಗೂ ಯುವಕರು ತಮಟೆ ಬಾರಿಸುತ್ತ, ಹೆಜ್ಜೆ ಹಾಕಿದರು.