ಅಳವಂಡಿ; ಪಿಕೆಪಿಎಸ್‌ ಚುನಾವಣೆ– ಬಿರುಸಿನ ಮತದಾನ

ಅಳವಂಡಿ: ಸಮೀಪದ ಕವಲೂರು ಗ್ರಾಮದಲ್ಲಿ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ ನಿರ್ದೇಶಕರ ಆಯ್ಕೆಗೆ ಭಾನುವಾರ ಮತದಾನ ನಡೆಯಿತು.

ಮುಂದಿನ ಐದು ವರ್ಷದ ಅವಧಿಯ ನಿರ್ದೇಶಕರ ಆಯ್ಕೆಗೆ ಷೇರುದಾರರು ಬಿರುಸಿನಿಂದ ಮತದಾನ ಮಾಡಿದರು. ಒಟ್ಟು 12 ನಿರ್ದೇಶಕರಿದ್ದು 9 ಜನ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ. 

ಸಾಲಗಾರರ ಕ್ಷೇತ್ರದ ಒಟ್ಟು 641 ಮತದಾರರಲ್ಲಿ 474, ಸಾಲಗಾರರಲ್ಲದ ಕ್ಷೇತ್ರದ ಒಟ್ಟು 1325 ಮತದಾರರಲ್ಲಿ 698 ಮತದಾರರು ಹಕ್ಕು ಚಲಾಯಿಸಿದರು. ಬಸವರಾಜ ಜೋಗಿನ್ ಚುನಾವಣೆ ಅಧಿಕಾರಿಯಾಗಿ ಕಾರ್ಯನಿರ್ವಹಿಸಿದರು. ಪಿಎಸ್ಐ ಪ್ರಹ್ಲಾದ್ ನಾಯಕ ನೇತೃತ್ವದಲ್ಲಿ ಬಂದೋಬಸ್ತ್ ವ್ಯವಸ್ಥೆ ಮಾಡಲಾಗಿತ್ತು.