ಮುಂದುವರಿದ ಮುಸಲಧಾರೆ

ಮೈಸೂರು: ಮಳೆ ಸೋಮವಾರವೂ ಮುಂದುವರೆದಿದೆ. ಮೈಸೂರು ನಗರ, ತಿ.ನರಸೀಪುರ ಮತ್ತು ನಂಜನಗೂಡಿನಲ್ಲಿ ಅತಿ ಹೆಚ್ಚು (5 ಮಿ.ಮೀ) ಮಳೆಯಾದರೆ, ಕೆ.ಆರ್.ನಗರದಲ್ಲಿ ಅತಿ ಕಡಿಮೆ (0.5 ಮಿ.ಮೀ) ಮಳೆಯಾಗಿರುವ ಬಗ್ಗೆ ದಾಖಲಾಗಿದೆ.

ಉಳಿದಂತೆ ಹಂಪಾಪುರದಲ್ಲಿ 2.5 ಮಿ.ಮೀ., ಪಿರಿಯಾಪಟ್ಟಣದಲ್ಲಿ 2.5 ಮಿ.ಮೀ., ಮಾರ್ಬಳ್ಳಿಯಲ್ಲಿ 1.5 ಮಿ.ಮೀ., ಹುಣಸೂರು ತಾಲ್ಲೂಕಿನಲ್ಲಿ 1 ಮಿ.ಮೀ. ಮಳೆಯಾಗಿದೆ.

ನಗರದಲ್ಲಿ ಬೆಳಿಗ್ಗೆ 11.30 ಕ್ಕೆ ಮಳೆ ಆರಂಭವಾಯಿತು. ದ್ವಿಚಕ್ರ ವಾಹನ ಸವಾರರು ಮತ್ತು ಪಾದಚಾರಿಗಳು ಮಳೆಗೆ ಸಿಲುಕಿದರು. ಮಳೆಯಿಂದ ಯಾವುದೇ ಅನಾಹುತ ಆಗಿರುವ ಬಗ್ಗೆ ವರದಿಯಾಗಿಲ್ಲ.