ಮೈಸೂರು | ಆಕಸ್ಮಿಕವಾಗಿ ಬೆಂಕಿ : ವೃದ್ಧ ಸಜೀವ ದಹನ

ಮೈಸೂರು: ನಗರದ ಮಂಡಿ ಮೊಹಲ್ಲಾದ ಖಾಜಿ ರಸ್ತೆಯಲ್ಲಿ ಮನೆಯೊಂದಕ್ಕೆ ಬುಧವಾರ ಆಕಸ್ಮಿಕವಾಗಿ ಬೆಂಕಿ ತಗುಲಿ, ಒಳಗಿದ್ದ ಸಿದ್ದನಾಯ್ಕ(60) ಸಜೀವ ದಹನವಾದರು. ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ನಂದಿಸಿದಾಗ, ಮಲಗಿದ್ದ ಸ್ಥಿತಿಯಲ್ಲಿ ಮೃತದೇಹ ಪತ್ತೆಯಾಗಿದೆ.

‘ಗುಜರಿ ವ್ಯಾಪಾರ ಮಾಡುತ್ತಿದ್ದ ಅವರು ಮನೆಯಲ್ಲಿ ಜೋಡಿಸಿದ್ದ ಹಳೆ ಸಾಮಗ್ರಿಗೆ ಬೆಂಕಿ ತಗುಲಿದೆ. ಬೀಡಿ ಸೇದಿ ಎಸೆದಿದ್ದರಿಂದ ಬೆಂಕಿ ಹೊತ್ತಿಕೊಂಡು ಉರಿದಂತೆ ಕಂಡುಬರುತ್ತಿದೆ. ಮೃತರ ಪತ್ನಿ ಪುಟ್ಟಮ್ಮ ಕೂಲಿಗೆ ಹಾಗೂ ಮೊಮ್ಮಗಳು ಲಕ್ಷ್ಮಿ ಕಾಲೇಜಿಗೆ ತೆರಳಿದ್ದಾಗ ಘಟನೆ ನಡೆದಿದೆ. ಮನೆಯಲ್ಲಿದ್ದ ವಸ್ತುಗಳನ್ನು ಬೆಂಕಿ ಆವರಿಸಿಕೊಂಡಾಗ ಸಿದ್ದನಾಯ್ಕ ಹೊರ ಬರಲಾಗದೆ ಸಿಲುಕಿಕೊಂಡಿದ್ದರು’ ಎಂದು ಪೊಲೀಸರು ತಿಳಿಸಿದರು. ಮಂಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.