ಆರೋಗ್ಯ ತಪಾಸಣೆಗೆ ಒಳಗಾಗಿ ಶಕ್ತಿಧಾಮಕ್ಕೆ ವಾಪಸ್ಸಾದ ನಟ ಶಿವ ರಾಜಕುಮಾರ್

ಮೈಸೂರು: ನಟ ಶಿವ ರಾಜಕುಮಾರ್ ಅವರು ಇಲ್ಲಿನ ಜೆಎಸ್ಎಸ್ ಆಸ್ಪತ್ರೆಯಲ್ಲಿ ಬುಧವಾರ ಸಾಮಾನ್ಯ ಆರೋಗ್ಯ ತಪಾಸಣೆಗೆ ಒಳಗಾದರು. ನಂತರ ಅವರು ಶಕ್ತಿಧಾಮ ಸಂಸ್ಥೆಗೆ ವಾಪಸ್ ತೆರಳಿದ್ದಾರೆ.

ಈ ಕುರಿತು ಪ್ರಜಾವಾಣಿಗೆ ಪ್ರತಿಕ್ರಿಯಿಸಿದ ಶಕ್ತಿಧಾಮದ ಖಜಾಂಚಿ ಸುಮನಾ, 'ಶಿವ ರಾಜಕುಮಾರ್ ಅವರ ಆರೋಗ್ಯದಲ್ಲಿ ಏರುಪೇರಾಗಿದೆ ಎಂಬುದು ಸುಳ್ಳು ಸುದ್ದಿ. ಅವರು ಸಾಮಾನ್ಯ ತಪಾಸಣೆಗೆ ಒಳಗಾಗಿ ವಾಪಸ್ ಶಕ್ತಿಧಾಮಕ್ಕೆ ಬಂದು‌ ಮಕ್ಕಳೊಂದಿಗೆ ಕಾಲ ಕಳೆಯುತ್ತಿದ್ದಾರೆ ಎಂದು ತಿಳಿಸಿದರು.