ಮೈಸೂರು: ಆರ್‌ಎಫ್‌ಒ ಕಾಂತರಾಜ್‌ ಶವ ಪತ್ತೆ

ಮೈಸೂರು: ಇಲ್ಲಿನ ಸಬ್‌ ಅರ್ಬನ್ ಬಸ್ ನಿಲ್ದಾಣದ ಸಮೀಪದ ಮದರ್ ತೆರೆಸಾ ರಸ್ತೆಯಲ್ಲಿನ (ಬಿ.ಎನ್.ರೋಡ್) ಖಾಸಗಿ ಲಾಡ್ಜ್ ಹಿಂಭಾಗದ ಕಾರಿಡಾರ್‌ನಲ್ಲಿ ತಿ.ನರಸೀಪುರದ ಸಾಮಾಜಿಕ ಅರಣ್ಯ ವಲಯದ ಆರ್‌ಎಫ್‌ಒ ಕಾಂತರಾಜ್‌ ಚೌಹಾಣ್‌ ಶವ ಪತ್ತೆಯಾಗಿದೆ.

ಕಾಂತರಾಜ್‌ ಚೌಹಾಣ್‌ ಹದಿನೈದು ದಿನಗಳ ಹಿಂದೆ ತಿ.ನರಸೀಪುರಕ್ಕೆ ವರ್ಗಾವಣೆಗೊಂಡಿದ್ದರು. ಭಾನುವಾರ ಸ್ನೇಹಿತ ಗಂಗಾವತಿ ಮೂಲದ ಮಲ್ಲನಗೌಡ ಪಾಟೀಲ್ ಜೊತೆ ಹೋಟೆಲ್‌ಗೆ ಬಂದಿದ್ದರು. ‘ಸೋಮವಾರ ಬೆಳಿಗ್ಗೆ ಮೃತದೇಹ ಪತ್ತೆಯಾಗಿದ್ದು, ಮಲ್ಲನಗೌಡ ಪಾಟೀಲ್‌ ಸ್ಥಳದಲ್ಲಿ ಇಲ್ಲ’ ಎಂದು ಪೊಲೀಸ್‌ ಮೂಲಗಳು ತಿಳಿಸಿವೆ. ಲಷ್ಕರ್‌ ಠಾಣಾ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.