ಜಯಪುರ: ಕೆಗ್ಗೆರೆ ಕೆರೆ ತ್ಯಾಜ್ಯ ತೆರವಿಗೆ ಮನವಿ

ಜಯಪುರ: ಗ್ರಾಮದ ಕೆಗ್ಗೆರೆ ಕೆರೆಗೆ ಕಿಡಿಗೇಡಿಗಳು ಕೊಳೆತ ತ್ಯಾಜ್ಯ ಸುರಿದಿದ್ದು, ಕೆರೆಯ ನೀರು ಮಲಿನಗೊಳ್ಳುವ ಆತಂಕ ಎದುರಾಗಿದೆ. ಇತ್ತೀಚೆಗೆ ಸುರಿದ ಮಳೆಯಿಂದಾಗಿ ಕೆರೆಗೆ ಅಲ್ಪ ಪ್ರಮಾಣದಲ್ಲಿ ನೀರು ತುಂಬಿಕೊಂಡಿದೆ. ಸ್ಥಳೀಯರು ಜಾನುವಾರುಗಳ ಕುಡಿಯುವ ನೀರಿಗೆ ಈ ಕೆರೆಯನ್ನೇ ಆಶ್ರಯಿಸಿದ್ದು ಆದ್ದರಿಂದ ಕೆರೆಗೆ ತ್ಯಾಜ್ಯ ತೆರವುಗೊಳಿಸಬೇಕು.

ಸಂಬಂಧಪಟ್ಟ ಗ್ರಾಮ ಪಂಚಾಯಿತಿ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ತ್ಯಾಜ್ಯ ಸುರಿಯುತ್ತಿರುವವರ ವಿರುದ್ಧ ಕ್ರಮ ವಹಿಸಬೇಕು. ನೈರ್ಮಲ್ಯ ಕಾಪಾಡಬೇಕೆಂದು ಮನವಿ ಮಾಡಿದ್ದಾರೆ.

ರೈತ ಚಿಕ್ಕಣ್ಣ ನಾಯಕ ಹಾಗೂ ಹಲವರು