ಹುಣಸೂರು: ಮಳೆ ತಂಬಾಕು ಬ್ಯಾರನ್ ಕುಸಿತ

ಹುಣಸೂರು: ಹನಗೋಡು ಹೋಬಳಿ ಭಾಗದಲ್ಲಿ ಶುಕ್ರವಾರ ಬಿದ್ದ ಮಳೆಗೆ ಭರತವಾಡಿಯ ಗಂಗಾಧರಯ್ಯ ಅವರ ತಂಬಾಕು ಹದಗೊಳಿಸುವ ಬ್ಯಾರನ್ ಛಾವಣಿ ಕುಸಿದಿದೆ.

ಭಾರಿ ಮಳೆಗೆ ರೈತ ಗಂಗಾಧರಯ್ಯ ಅವರ ತಂಬಾಕು ಹದಗೊಳಿಸುವ ಬ್ಯಾರನ್ ಕುಸಿದಿದ್ದರಿಂದ ಕಟ್ಟಡದೊಳಗೆ ಕಟ್ಟಿ ಹಾಕಿದ್ದ  ಮೂರು ಕುರಿಗಳಲ್ಲಿ ಎರಡು ಕುರಿಗಳು ಸ್ಥಳದಲ್ಲೇ ಮೃತಪಟ್ಟಿವೆ. ಘಟನಾ ಸ್ಥಳಕ್ಕೆ ಭೇಟಿ ನೀಡಿ ಮಹಜರ್ ನಡೆಸಿ ನಿಯಮಾನುಸಾರ ಪ್ರತಿ ಕುರಿಗೆ ₹ 4 ಸಾವಿರದಂತೆ ₹ 8 ಸಾವಿರ ಪರಿಹಾರ ಕಂದಾಯ ಇಲಾಖೆಯಿಂದ ಪ್ರಾಕೃತಿಕ ವಿಕೋಪ ಯೋಜನೆಯಲ್ಲಿ ವಿತರಿಸಲಾಗಿದೆ ಎಂದು ಹನಗೋಡು ಹೋಬಳಿ ರಾಜಸ್ವ ನಿರೀಕ್ಷಣಾಧಿಕಾರಿ ನಂದೀಶ್ ತಿಳಿಸಿದ್ದರು.