ಮಾವುತರಿಗೆ ಉಪಹಾರ ಕೂಟ

ಮೈಸೂರು: ನಾಡಹಬ್ಬ ಮೈಸೂರು ದಸರಾ ಹಿನ್ನೆಲೆಯಲ್ಲಿ ಅರಮನೆ ಆವರಣದಲ್ಲಿ ಮಂಗಳವಾರ ಗಜಪಡೆ ಮಾವುತರು ಮತ್ತು ಕಾವಾಡಿ ಕುಟುಂಬಗಳಿಗೆ ಉಪಹಾರ ಕೂಟಆಯೋಜಿಸಲಾಗಿತ್ತು.

ಇದಕ್ಕೆ ವಸತಿ ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವರಾದ ವಿ. ಸೋಮಣ್ಣ ಅವರು ಚಾಲನೆ ನೀಡಿದರು.

ಸಚಿವರು ಮಾವುತರಿಗೆ ಒಬ್ಬಟ್ಟು,ತಟ್ಟೆ ಇಡ್ಲಿ, ಸಾಂಬಾರ್,ಉದ್ದಿನವಡೆ, ಬೆಣ್ಣೆ, ಕಾರ ಪೊಂಗಲ್, ಉಪ್ಪಿಟ್ಟು ಉಪಹಾರ ಬಡಿಸಿ ಅವರೊಂದಿಗೆ ಕುಳಿತು ಉಪಹಾರ ಸೇವಿಸಿದರು.

ಪ್ರವಾಸೋದ್ಯಮ ಸಚಿವ ಸಿಟಿ ರವಿ ಸಂಸದ ಪ್ರತಾಪ್ ಸಿಂಹ, ಶಾಸಕ ನಾಗೇಂದ್ರ,ಎಸ್.ಎ.ರಾಮದಾಸ್ ಸೇರಿದಂತೆ ಇನ್ನಿತರ ಗಣ್ಯರು ಉಪಸ್ಥಿತರಿದ್ದರು.