ಹುಣಸೂರು | ಅರಣ್ಯದಂಚಿನಲ್ಲಿ ರಸ್ತೆ ದಾಟುವಾಗ ವಾಹನ ಡಿಕ್ಕಿ: ಪುನುಗು ಬೆಕ್ಕು ಸಾವು

ಹುಣಸೂರು: ಹನಗೋಡು ಮಾರ್ಗದ ಅರಣ್ಯದಂಚಿನಲ್ಲಿ ರಸ್ತೆ ದಾಟುವ ವೇಳೆ ವಾಹನ ಡಿಕ್ಕಿ ಹೊಡೆದ ಪರಿಣಾಮ ಮಂಗಳವಾರ ಪುನುಗು ಬೆಕ್ಕು ಮೃತಪಟ್ಟಿದೆ.

‘ವಾಹನ ಡಿಕ್ಕಿ ಹೊಡೆದ ಪರಿಣಾಮ ತೀವ್ರ ಗಾಯಗೊಂಡು ಸ್ಥಳದಲ್ಲೇ ಮೃತಪಟ್ಟಿದೆ. ಅರಣ್ಯ ಇಲಾಖೆ ನಿಯಮಾನುಸಾರ ಇಲಾಖೆ ಪಶುವೈದ್ಯಾಧಿಕಾರಿ ಮರಣೋತ್ತರ ಪರೀಕ್ಷೆ ನಡೆಸಿ ವರದಿ ಬಳಿಕ ನ್ಯಾಯಾಲಯಕ್ಕೆ ಸಲ್ಲಿಸಿ ಅಂತ್ಯಸಂಸ್ಕಾರ ಪ್ರಕ್ರಿಯೆ ನಡೆಲಾಗಿದೆ’ ಎಂದು ವಲಯ ಅರಣ್ಯಾಧಿಕಾರಿ ನಂದಕುಮಾರ್‌ ‘ಪ್ರಜಾವಾಣಿ’ಗೆ  ತಿಳಿಸಿದರು.

ಪುನಗು ಬೆಕ್ಕು ನಾಚಿಕೆ ಸ್ವಭಾವದಿಂದ ಜೀವಿಸುವ ಪ್ರಾಣಿಯಾಗಿದ್ದು, ಹುಳು ಹುಪ್ಪಟೆ ಮತ್ತು ಗೆದ್ದಿಲು ತಿಂದು ಬದುಕುವ ಪ್ರಾಣಿ. ನಾಗರಹೊಳೆ ಅರಣ್ಯದಲ್ಲಿ ಹೆಚ್ಚಾಗಿ ಕಂಡು ಬರುತ್ತದೆ. ಈ ಪ್ರಾಣಿ ರಾತ್ರಿ ಸಂಚಾರ ನಡೆಸುವುದರಿಂದ ಸಾಮಾನ್ಯವಾಗಿ ಗೋಚರಿಸುವುದಿಲ್ಲ ಎಂದರು.