ಲಿಂಗಸುಗೂರು: ಕಮಲ್ ಹಾಸನ್ ಚಿತ್ರ ಬಹಿಷ್ಕರಿಸಲು ಒತ್ತಾಯ

ಲಿಂಗಸುಗೂರು: ‘ಕನ್ನಡ ತಮಿಳಿನಿಂದ ಹುಟ್ಟಿದ್ದು ಎಂದು ಹೇಳಿರುವ ತಮಿಳು ನಟ ಕಮಲ್ ಹಾಸನ್ ಅವರ ಚಿತ್ರಗಳನ್ನು ರಾಜ್ಯದಲ್ಲಿ ಬಹಿಷ್ಕರಿಸಬೇಕು’ ಎಂದು ಕರವೇ ಮುಖಂಡರು ಬುಧವಾರ ಆಗ್ರಹಿಸಿದರು.

‘ನಟ ಕಮಲ್ ಹಾಸನ್ ಕನ್ನಡಿಗರ ಭಾವನೆಗಳಿಗೆ ಧಕ್ಕೆ ತಂದಿದ್ದಾರೆ. ಮುಂಬರುವ ಅವರ ಚಿತ್ರ ಥಂಗ್ ಲೈಫ್ ಅನ್ನು ರಾಜ್ಯದಲ್ಲಿ ಬಿಡುಗಡೆ ಮಾಡಲು ಅವಕಾಶ ನೀಡಬಾರದು’ ಎಂದು ಮುಖ್ಯಮಂತ್ರಿಗೆ ಬರೆದ ಮನವಿಯಲ್ಲಿ ಒತ್ತಾಯಿಸಿದ್ದಾರೆ.

ಕರವೇ ತಾಲ್ಲೂಕು ಘಟಕದ ಅಧ್ಯಕ್ಷ ಆಂಜನೇಯ ಭಂಡಾರಿ, ಕುರುಮೇಶ ನಾಯಕ, ಅಶೋಕ ನಾಯಕ, ಭೀಮೇಶ ನಾಯಕ, ಸಲೀಂಖಾನ್, ಶಿವು ಪತ್ತಾರ, ಸಿದ್ದು ಛಲವಾದಿ, ವಿಜಯಕುಮಾರ, ಅಭಿಷೇಕ ನಾಯಕ, ಮುತ್ತುರಾಜ, ಪ್ರಸನ್ನ ನಾಯಕ ಹಾಗೂ ನಾಗರಾಜ ಗುತ್ತೇದಾರ ಉಪಸ್ಥಿತರಿದ್ದರು.