ಕವಿತಾಳ|‘ಬಕ್ರೀದ್‌ ಶಾಂತಿಯಿಂದ ಆಚರಿಸಿ’: ಸಬ್‌ ಇನ್‌ಸ್ಪೆಕ್ಟರ್‌ ವೆಂಕಟೇಶ ನಾಯಕ

ಕವಿತಾಳ: ‘ಯಾವುದೇ ಅಹಿಕತರ ಘಟನೆಗಳಿಗೆ ಅವಕಾಶ ನೀಡದಂತೆ ಬಕ್ರೀದ್ ಹಬ್ಬವನ್ನು ಶಾಂತಿಯಿಂದ ಆಚರಿಸಬೇಕು’ ಎಂದು ಸಬ್‌ ಇನ್‌ಸ್ಪೆಕ್ಟರ್‌ ವೆಂಕಟೇಶ ನಾಯಕ ಹೇಳಿದರು.

ಪಟ್ಟಣದ ಪೊಲೀಸ್ ಠಾಣೆಯಲ್ಲಿ ಮಂಗಳವಾರ ಹಮ್ಮಿಕೊಂಡಿದ್ದ ಸಾರ್ವಜನಿಕ ಶಾಂತಿ ಸಭೆಯಲ್ಲಿ ಮಾತನಾಡಿದ ಅವರು,‘ಹಿಂದೂ, ಮುಸ್ಲಿಮರು ಒಟ್ಟಾಗಿ ಶಾಂತಿಯಿಂದ ಹಬ್ಬ ಆಚರಿಸಬೇಕು. ಅಹಿತಕರ ಘಟನೆ ನಡೆಯದಂತೆ ಸಮಾಜದ ಹಿರಿಯರು ಕಾಳಜಿ ವಹಿಸಬೇಕು. ಅಹಿತಕರ ಘಟನೆ ನಡೆದಲ್ಲಿ ಕಠಿಣ ಕಾನೂನು ಕ್ರಮ ಜರುಗಿಸಲಾಗುವುದು’ ಎಂದು ಎಚ್ಚರಿಸಿದರು.

ಮುಖಂಡರಾದ ಶಂಶುದ್ದೀನ್‌ ಖಾಜಿ, ಆಜಂಪಾಷಾ ಧಣಿ, ನವಾಬಸಾಬ್, ಒವಣ್ಣ, ಮೌನೇಶ ಕೊಡ್ಲಿ, ಯಾಕೂಬ್, ಹನುಮಂತ, ಈರಣ್ಣ ಕೆಳಗೇರಿ, ದೇವಣ್ಣ ಇರಕಲ್‌, ಮುಸ್ತಫಾ ಒಂಟಿಬಂಡಿ, ಭೀಮಣ್ಣ ನಾಯಕ, ರಮೇಶ, ಮೌನೇಶ ನಾಯಕ ಹಾಗೂ ಮತ್ತಿತರರು ಸಭೆಯಲ್ಲಿ ಪಾಲ್ಗೊಂಡಿದ್ದರು.