ಪಡಿತರ ಅಕ್ರಮ ಸಾಗಾಟ: ವಾಹನ ಜಪ್ತಿ

ದೇವದುರ್ಗ: ತಾಲ್ಲೂಕಿನ ಎನ್.ಗಣೇಕಲ್ - ಮಸೀದಪುರ ರಸ್ತೆ ಬಳಿ ಆಟೊದಲ್ಲಿ ಅಕ್ರಮವಾಗಿ ಸಾಗಿಸುತ್ತಿದ್ದ ಪಡಿತರ ಅಕ್ಕಿಯನ್ನು ಆಹಾರ ನಿರೀಕ್ಷಕ ಖಲೀಲ್ ಹಮ್ಮದ್ ಹಾಗೂ ಗಬ್ಬೂರು ಠಾಣೆ ಪಿಎಸ್ಐ ಅರುಣಕುಮಾರ ರಾಠೋಡ್ ಅವರ ನೇತೃತ್ವದಲ್ಲಿ ದಾಳಿ ನಡೆಸಿ ₹32ಸಾವಿರ ಮೌಲ್ಯದ 11 ಕ್ವಿಂಟಲ್ 65 ಕೆಜಿ ಅಕ್ಕಿ ವಶಕ್ಕೆ ಪಡೆದಿದ್ದಾರೆ.

ದಾಳಿ ವೇಳೆ ದಲಿತ ಸಂಘಟನೆಯ ಮುಖಂಡರಾದ ತುಕಾರಾಂ ಎನ್.ಗಣೇಕಲ್ ಮತ್ತು ಬಸಲಿಂಗ ಎನ್.ಗಣೇಕಲ್ ಇದ್ದರು.

ಗಬ್ಬೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ ಎಂದು ಪಿಎಸ್ಐ ಅರುಣಕುಮಾರ ರಾಠೋಡ್ ತಿಳಿಸಿದರು.