ಚುನಾವಣೆ ಹಬ್ಬವಿದ್ದಂತೆ ಎಲ್ಲರು ಭಾಗವಹಿಸಿ: ಈರಣ್ಣಕೌಜಲಗಿ

ತುರ್ವಿಹಾಳ: ಪ್ರಜಾಪ್ರಭುತ್ವದಲ್ಲಿ ಚುನಾವಣೆಗಳು ಹಬ್ಬವಿದ್ದಂತೆ ಪ್ರತಿಯೊಬ್ಬರು ಕಡ್ಡಾಯವಾಗಿ ಮತ ಚಲಾವಣೆ ಮಾಡಬೇಕು ಎಂದು ತಾ.ಪಂ.ಅಧಿಕಾರಿ ಈರಣ್ಣಕೌಜಲಗಿ ಹೇಳಿದರು.

ಪಟ್ಟಣ ಸಮೀಪದ 7ಮೈಲ್ ಕ್ಯಾಂಪಿನಲ್ಲಿ ತಾಲ್ಲೂಕು ಪಂಚಾಯಿತಿ ವತಿಯಿಂದ ತೃತೀಯ ಲಿಂಗಿಗಳಿಗೆ ಗುರುವಾರ ಮತದಾನ ಜಾಗೃತಿ ಹಾಗೂ ಸಹಿ ಸಂಗ್ರಹ ಅಭಿಯಾನ ಕಾರ್ಯಕ್ರಮ ನಡೆಯಿತು.

18 ವರ್ಷದ ಮೇಲ್ಪಟ್ಟ ಪ್ರತಿಯೊಬ್ಬರು ಮತದಾನವನ್ನು ಮಾಡಲೇಬೇಕು. ಯಾವುದೇ ಆಸೆ ಆಮಿಷಗಳಿಗೆ ಒಳಗಾಗದೆ ನಿರ್ಭೀತರಾಗಿ ಮತದಾನ ಮಾಡಿ ಎಂದರು. ಎನ್‌ಆರ್‌ಎಲ್‌ಎಮ್ ವ್ಯವಸ್ಥಾಪಕ ವೀರಭದ್ರಗೌಡ ಪ್ರತಿಜ್ಞಾವಿಧಿ ಬೋಧಿಸಿದರು.

ಗ್ರಾಮೀಣ ಕುಡಿಯುವ ನೀರು ನೈರ್ಮಲ್ಯ ವಿಭಾಗದ ತಂಡದ ಶಾಂತಯ್ಯ ಗುರುವಿನ್, ನರೇಗಾ ಐಈಸಿ ಸಂಯೋಜಕ ಥಾಮಸ್ ಪಾಲ್ಗೊಂಡಿದ್ದರು.