ರಾಯಚೂರಿನಲ್ಲಿ ಚಿತ್ರಮಂದಿರ ಇನ್ನೂ ಆರಂಭವಿಲ್ಲ

ರಾಯಚೂರು: ಜಿಲ್ಲೆಯಲ್ಲಿ ಚಲನ ಚಿತ್ರಮಂದಿರಗಳು ಅಕ್ಟೋಬರ್‌ 15 ರಿಂದ ಇನ್ನೂ ಪ್ರದರ್ಶನ ಆರಂಭಿಸುತ್ತಿಲ್ಲ.

‘ಸರ್ಕಾರದಿಂದ ಅಥವಾ ಚಲನಚಿತ್ರ ವಾಣಿಜ್ಯ ಮಂಡಳಿಯಿಂದ ಯಾವುದೇ ಆದೇಶ ಪತ್ರಗಳು ಬಂದಿಲ್ಲ’ ಎಂದು ಚಿತ್ರ ಮಂದಿರ ನಿರ್ವಹಣೆ ಮಾಡುತ್ತಿರುವ ನೌಕರರು ತಿಳಿಸಿದರು.

ಅಕ್ಟೋಬರ್‌ 15 ರಿಂದ ಚಲನಚಿತ್ರ ಪ್ರದರ್ಶನ ಆರಂಭಿಸುವುದಕ್ಕೆ ರಾಜ್ಯ ಸರ್ಕಾರವು ಈಗಾಗಲೇ ಅನುಮತಿ ನೀಡಿದೆ. ಆದರೆ, ಆಯಾ ಜಿಲ್ಲಾಧಿಕಾರಿಗಳು ಈ ಬಗ್ಗೆ ಪರಿಶೀಲಿಸಿ ಅಧಿಕೃತವಾಗಿ ಅನುಮತಿ ನೀಡಬೇಕಿದೆ.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಜಿಲ್ಲಾಧಿಕಾರಿ ಆರ್‌.ವೆಂಕಟೇಶಕುಮಾರ್‌, ‘ಚಿತ್ರಮಂದಿರಗಳಲ್ಲಿ ಕೊರೊನಾ ಸೋಂಕು ತಡೆಗೆ ಯಾವ ರೀತಿ ಮುನ್ನಚ್ಚೆರಿಕೆ ವಹಿಸಿದ್ದಾರೆ ಎಂಬುದನ್ನು ಪರಿಶೀಲಿಸಿಲ್ಲ. ಥೇಟರ್‌ ಮಾಲೀಕರ ಸಭೆ ಕರೆದು, ಆನಂತರ ಅನುಮತಿ ನೀಡಲಾಗುವುದು. ಇದುವರೆಗೂ ಚಿತ್ರಮಂದಿರಗಳ ಮಾಲೀಕರು ಜಿಲ್ಲಾಡಳಿತದಿಂದ ಅನುಮತಿಯನ್ನು ಕೋರಿಲ್ಲ’ ಎಂದರು.