ರಾಯಚೂರು | ಜೆಸಿಬಿಯಿಂದ ಮಣ್ಣು ಸುರಿದ ಚಾಲಕ: ಮಹಿಳೆ ಸಾವು

ರಾಯಚೂರು: ನಗರದ ಜನತಾ ಕಾಲೊನಿಯ ಬಡಾವಣೆಯಲ್ಲಿ ಗುರುವಾರ ಮುಂಜಾನೆ ಬಯಲು ಶೌಚಕ್ಕೆ ಹೋಗಿದ್ದ ಮಹಿಳೆಯ ಮೇಲೆ ಜೆಸಿಬಿ ಯಂತ್ರದಿಂದ ಸುರಿದ ಮಣ್ಣುಬಿದ್ದು ಆಕೆ ಮೃತಪಟ್ಟಿದ್ದಾರೆ.

ಮೃತ ಮಹಿಳೆಯನ್ನು ತಾಯಮ್ಮ (32) ಎಂದು ಗುರುತಿಸಲಾಗಿದೆ. ಜೆಸಿಬಿ ಚಾಲಕನನ್ನು ವಶಕ್ಕೆ ಪಡೆದು ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ.

ನಗರದ ಆಶಾಪುರ ರಸ್ತೆಯ ಜನತಾ ಕಾಲೊನಿಯ ಬಡಾವಣೆಯಲ್ಲಿ ಖಾಲಿ ನಿವೇಶನದಲ್ಲಿ ಜಾಲಿ ಗಿಡಗಳು ಬೆಳೆದಿದ್ದರಿಂದ ಮನೆಯ ಮಾಲೀಕರ ಸೂಚನೆ ಮೇರೆಗೆ ಬೆಳಗಿನ ಜಾವ ಜೆಸಿಬಿ ಚಾಲಕ ಗಿಡಗಂಟಿಗಳನ್ನು ಸ್ಚಚ್ಛಗೊಳಿಸಿ ಮಣ್ಣು ಸುರಿಯತ್ತಿದ್ದಾಗ ಬಹಿರ್ದೆಸೆ ಮಾಡುತ್ತಿದ್ದ ಮಹಿಳೆಯ ಮೇಲೆ ಮಣ್ಣು ಬಿದ್ದಿದೆ. ಪಶ್ಚಿಮ ಪೊಲೀಸ್ ಠಾಣೆಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.