ಕೋವಿಡ್‌: 64 ಪ್ರಕರಣ ದೃಢ

ರಾಮನಗರ: ಜಿಲ್ಲೆಯಲ್ಲಿ ಸೋಮವಾರ ಹೊಸತಾಗಿ 64 ಮಂದಿಯಲ್ಲಿ ಕೋವಿಡ್‌–19 ಸೋಂಕು ದೃಢವಾಗಿದೆ. ಇದರಿಂದಾಗಿ ಸೋಂಕಿತರ ಸಂಖ್ಯೆ 1273ಕ್ಕೆ ಏರಿದೆ.

ಚನ್ನಪಟ್ಟಣ 19, ಕನಕಪುರ 22, ಮಾಗಡಿ 2 ಮತ್ತು ರಾಮನಗರ 21 ಪ್ರಕರಣಗಳು ವರದಿಯಾಗಿವೆ. ಸೋಂಕಿತರನ್ನು ಜಿಲ್ಲೆಯ ವ್ಯಾಪ್ತಿಗೆ ಒಳಪಡುವ ವಿವಿಧ ಕೋವಿಡ್-19 ಆಸ್ಪತ್ರೆಗಳಿಗೆ ದಾಖಲಿಸಲಾಗಿದೆ. ಜಿಲ್ಲೆಯಲ್ಲಿ ಈವರೆಗೆ ಚನ್ನಪಟ್ಟಣ 292, ಕನಕಪುರ 242, ಮಾಗಡಿ 263 ಮತ್ತು ರಾಮನಗರ 476 ಪ್ರಕರಣಗಳು ಸೇರಿವೆ.

22 ಮಂದಿ ಗುಣಮುಖ: ಸೋಮವಾರ ಚನ್ನಪಟ್ಟಣ ತಾಲ್ಲೂಕಿನ 3, ಮಾಗಡಿ ತಾಲ್ಲೂಕಿನಲ್ಲಿ 11 ಹಾಗೂ ರಾಮನಗರ ತಾಲ್ಲೂಕಿನ 8 ಜನರು ಸೋಂಕಿನಿಂದ ಗುಣಮುಖರಾಗಿದ್ದಾರೆ. ಈವರೆಗೆ ಒಟ್ಟು 566 ಜನರು ಗುಣಮುಖರಾಗಿದ್ದಾರೆ. ಈ ಪೈಕಿ ಚನ್ನಪಟ್ಟಣ 101, ಕನಕಪುರ 145, ಮಾಗಡಿ 149 ಮತ್ತು ರಾಮನಗರ 171 ಜನರು ಸೇರಿದ್ದಾರೆ.