ಸಂಭ್ರಮದ ಮೂಲಗ್ರಾಮದೇವತೆ ಜಾತ್ರೆ

ಮಾಗಡಿ: ಪಟ್ಟಣದ ಕಲ್ಯಾಬಾಗಿಲು ಮೂಲ ಗ್ರಾಮದೇವತೆಯ ಜಾತ್ರೆ ಸಡಗರ ಸಂಭ್ರಮದಿಂದ ನಡೆಯಿತು. ಮಹಿಳೆಯರು ಹೂವು, ಹೊಂಬಾಳೆ, ಹಸಿ ತಂಬಿಟ್ಟಿನ ಆರತಿ ಬೆಳಗಿದರು. ಭಕ್ತರು ಹರಕೆ ಸಲ್ಲಿಸಿದರು.

ಪೂಜಾರಿ ಎಂ.ಟಿ.ಶಿವಣ್ಣ ಪೂಜಾ ವಿಧಿಗಳನ್ನು ನೆರವೇರಿಸಿದರು. ದೇವರಿಗೆ ವಿಶೇಷ ಅಲಂಕಾರ ಮಾಡಲಾಗಿತ್ತು. ವಿವಿಧ ಜನಪದ ಕಲಾತಂಡಗಳು ನೃತ್ಯ ನಡೆಸಿದವು. ಅಸಾದಿ ನರಸಿಂಹಯ್ಯ ಗ್ರಾಮದೇವತೆಯನ್ನು ಕೊಂಡಾಡುವ ಜನಪದ ಕಥನ ಕಾವ್ಯವನ್ನು ಹಾಡಿದರು.