ರಾಮನಗರ: ಹೋಟಲ್‌ನಲ್ಲಿದ್ದ ರಾತ್ರಿ ಕಾವಲುಗಾರನ ಹತ್ಯೆ

ರಾಮನಗರ: ಬಿಡದಿ ಲಕ್ಷ್ಮಿಸಾಗರ್ ಗೇಟ್‌ನಲ್ಲಿರುವ ಕದಂಬ ಹೋಟಲ್‌ನಲ್ಲಿ ಗುರುವಾರ ತಡರಾತ್ರಿ ಕಾವಲುಗಾರನನ್ನು ನಾಲ್ವರು ಬಲವಾದ ಆಯುಧವೊಂದರಿಂದ ಕಿವಿ ಭಾಗಕ್ಕೆ ಚುಚ್ಚಿ ಹತ್ಯೆ ಮಾಡಿರುವ ಘಟನೆ ನಡೆದಿದೆ.

ಹತ್ಯೆಗೀಡಾದವರು ಚನ್ನಪಟ್ಟಣ ತಾಲ್ಲೂಕಿನ ಕೊಂಡಾಪುರ ಗ್ರಾಮದ ನಿಶಾಂತ್ (25). ಕಳೆದ ಎರಡು ತಿಂಗಳಿಂದ ಈ ಹೋಟೆಲ್‌ನಲ್ಲಿ ಕಾವಲುಗಾರನಾಗಿ ಕೆಲಸ ಮಾಡುತ್ತಿದ್ದ.

ಘಟನೆ ಸಮಯದಲ್ಲಿ ಹೋಟೆಲ್‌ನಲ್ಲಿ ಇದ್ದ ಇಬ್ಬರು ಅಡುಗೆ ಸಿಬ್ಬಂದಿ ನಿದ್ದೆಯಲ್ಲಿದ್ದರು. ಹತ್ಯೆ ನಡೆಸಿದ ನಂತರ ಕೊಲೆ ಆರೋಪಿಗಳು ಹೋಟೆಲ್‌ ಸಿಸಿಟಿವಿ ಕ್ಯಾಮೆರಾ ಡಿವಿಆರ್ ಸಾಧನ ಕಿತ್ತುಕೊಂಡು ಪರಾರಿಯಾಗಿದ್ದಾನೆ.

 ಬಿಡದಿ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.  ನಂತರ ಘಟನಾ ಸ್ಥಳಕ್ಕೆ ಎಸ್.ಪಿ ಶ್ರೀನಿವಾಸ್ ಗೌಡ, ಎಎಸ್ಪಿ ರಾಮಚಂದ್ರಯ್ಯ, ಡಿವೈಎಸ್ಪಿ ಶ್ರೀನಿವಾಸ್ ಭೇಟಿ ಕೊಟ್ಟು ಪರಿಶೀಲನೆ ನಡೆಸಿದರು.