ಕುಂಸಿ: ಕಾರು ಪಲ್ಟಿಯಾಗಿ ಯುವಕ ಸಾವು

ಕುಂಸಿ: ಕಾರೊಂದು ಮೋರಿಗೆ ಗುದ್ದಿ ಪಲ್ಟಿಯಾದ ಪರಿಣಾಮ ಕಾರಿನಲ್ಲಿದ್ದ ಯುವಕ ಸೈಯದ್ ನೈಫ್ (19) ಸ್ಥಳದಲ್ಲೇ ಮೃತಪಟ್ಟಿದ್ದು, ಮೂವರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ.

ಶುಕ್ರವಾರ ತಡರಾತ್ರಿ ಶಿವಮೊಗ್ಗದ ತಂಗಿಯ ಮನೆಯಿಂದ ಸಾಗರಕ್ಕೆ ಮಾರುತಿ ಸಿಎಸ್ ಕಾರಿನಲ್ಲಿ ಸೈಯದ್ ನೈಫ್‌ ಮೂವರ ಜತೆ ಹೋಗುತ್ತಿದ್ದರು. ಕಾರುಚಾಲಕನ ನಿಯಂತ್ರಣ ತಪ್ಪಿ ಕುಂಸಿ ಬಳಿಯ ಮೋರಿಗೆ ಗುದ್ದಿ ಪಲ್ಟಿಯಾಗಿದೆ. ಗಾಯಾಳುಗಳನ್ನು ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಎಲ್ಲರೂ ಸಾಗರದ ನಿವಾಸಿಗಳು. ಕುಂಸಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.