ದೆಹಲಿಯಿಂದ ಬಂದ ಇಬ್ಬರ ಆರೋಗ್ಯ ತಪಾಸಣೆ

ಸಾಗರ: ದೆಹಲಿಯಲ್ಲಿ ನಡೆದ ತಬ್ಲಿಕ್ ಸಂಸ್ಥೆಯ ಧಾರ್ಮಿಕ ಸಭೆಗೆ ತೆರಳಿ ನಗರಕ್ಕೆ ವಾಪ‍ಸ್‌ ಬಂದಿದ್ದ ಇಬ್ಬರನ್ನು ಬುಧವಾರ ಪತ್ತೆ ಮಾಡಲಾಗಿದೆ.

ಈ ಇಬ್ಬರನ್ನು ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಯ ಐಸೋಲೇಶನ್ ವಾರ್ಡ್‌ಗೆ ದಾಖಲಿಸಲಾಗಿದ್ದು, ಆರೋಗ್ಯ ತಪಾಸಣೆ ವರದಿ ಬರಬೇಕಿದೆ.

ಬುಧವಾರ ಮತ್ತೋರ್ವ ಶಂಕಿತ ವ್ಯಕ್ತಿಯನ್ನು ಆರೋಗ್ಯ ತಪಾಸಣೆಗೆಂದು ಶಿವಮೊಗ್ಗಕ್ಕೆ ಕಳುಹಿಸಲಾಗಿದ್ದು, ವರದಿ ಕೊರೊನಾ ನೆಗೆಟಿವ್ ಇದೆ ಎಂದು ತಾಲ್ಲೂಕು ಆಡಳಿತ ಸ್ಪಷ್ಟಪಡಿಸಿದೆ.