ಸುಲ್ತಾನ್‌ ಗೋಲ್ಡ್‌ ಶೋ ರೂಂ ಮೇಲೆ ಐಟಿ ದಾಳಿ

ಶಿವಮೊಗ್ಗ: ಇಲ್ಲಿನ ಗೋಪಿವೃತ್ತದ ದುರ್ಗಿಗುಡಿ ಮುಖ್ಯರಸ್ತೆಯಲ್ಲಿರುವ ಸುಲ್ತಾನ್‌ ಗೋಲ್ಡ್‌ಶೋ ರೂಂ ಮೇಲೆ ಗುರುವಾರ ಆದಾಯ ತೆರಿಗೆ ಅಧಿಕಾರಿಗಳು ದಾಳಿ ನಡೆಸಿ, ದಾಖಲೆಗಳ ಪರಿಶೀಲನೆ ನಡೆಸಿದರು.

ಬೆಳಿಗ್ಗೆ 10ಕ್ಕೆ ಮಳಿಗೆ ಬಾಗಿಲು ತೆರೆದ ಸ್ವಲ್ಪ ಸಮಯದಲ್ಲೇ ಒಳ ಪ್ರವೇಶಿಸಿದ ಆರು ಅಧಿಕಾರಿಗಳ ತಂಡ ದಾಖಲೆಗಳ ಪರಿಶೀಲನೆ ಆರಂಭಿಸಿದರು. ತಕ್ಷಣ ಮುಂಭಾಗದ ಬಾಗಿಲು ಬಂದ್‌ ಮಾಡಿದ ಶೋ ರೂಂ ಸಿಬ್ಬಂದಿ ಗ್ರಾಹಕರಿಗೆ ಪ್ರವೇಶ ನಿರಾಕರಿಸಿದರು.