‘ಪ್ರೇಮ ಪ್ರವಾಹಿನಿ’ ರಥಯಾತ್ರೆ ಇಂದಿನಿಂದ

ಶಿವಮೊಗ್ಗ: ಸತ್ಯ ಸಾಯಿಬಾಬಾ ಅವರ ಜನ್ಮ ಶತಮಾನೋತ್ಸವದ ಅಂಗವಾಗಿ ನಡೆಯುತ್ತಿರುವ ‘ಪ್ರೇಮ ಪ್ರವಾಹಿನಿ’ ರಥಯಾತ್ರೆಯು ಫೆ.25ರಿಂದ 28ರ ವರೆಗೆ ಶಿವಮೊಗ್ಗ ಜಿಲ್ಲೆಯಲ್ಲಿ ಸಂಚರಿಸಲಿದೆ ಎಂದು ರಾಜ್ಯ ಸಂಯೋಜಕ ಪ್ರಭಾಕರ ಬೀರಯ್ಯ ತಿಳಿಸಿದ್ದಾರೆ. 

ಫೆ.25ರಂದು ಶಿಕಾರಿಪುರ ಮೂಲಕ ಜಿಲ್ಲೆಗೆ ಬರುವ ರಥಯಾತ್ರೆ, ಫೆ.26ರಂದು ಸಾಗರ ಹಾಗೂ ಶಿವಮೊಗ್ಗ ನಗರದಲ್ಲಿ, ಫೆ.27ರಂದು ತೀರ್ಥಹಳ್ಳಿ ಮತ್ತು ಭದ್ರಾವತಿ ತಾಲ್ಲೂಕುಗಳಲ್ಲಿ, ಫೆ.28ರಂದು ಶಿವಮೊಗ್ಗ ನಗರದಲ್ಲಿ ಸಂಚರಿಸಲಿದೆ ಎಂದು ಮಂಗಳವಾರ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು. 

ವಿವಿಧ ಕಡೆ ಮೆರವಣಿಗೆ, ಭಜನೆ, ಸಂಗೀತ ಕಾರ್ಯಕ್ರಮ, ಪಾದುಕೆಯ ದರ್ಶನ ಹಾಗೂ ಮಹಾಪ್ರಸಾದ ವ್ಯವಸ್ಥೆ ಮಾಡಲಾಗಿದೆ ಎಂದರು.

ಸೌಮ್ಯಾ, ಮಲ್ಲಿಕಾರ್ಜುನ ಗೌಡ್ರು, ಜಿ.ಗೋಪಾಲ್, ಪರಮೇಶ್ವರಪ್ಪ, ಶಿವನಾಗಪ್ಪ, ಕರಿಬಸಪ್ಪ, ಡಾ.ಆರ್.ಆದರ್ಶ ಪಡಿಯಾರ್ ಇದ್ದರು.